Chto taki Siarhiej Alisiejenka, jaki stvaryŭ ŠI-čat-bot, što trapiŭ u top-10 śvietu razam z ChatGPT i Claude
Pradukt ChatOn AI, stvorany adnakurśnikam Viktara Prakapieni pa BDUIRy, uvajšoŭ u top-10 samych paśpiachovych suśvietnych ŠI-praduktaŭ. U dziasiatcy taksama znachodzicca našumieły ŭžo startap Perplexity, u jakim adnym z zasnavalnikaŭ źjaŭlajecca vychadziec z Homiela Dzianis Jarac.
I kali pra apošniaha ŭ miedyja pisali šmat — Jarac uvachodzić u top-100 samych paśpiachovych biznesmienaŭ ź Biełarusi, a Forbes uklučyŭ jaho ŭ top najbahaciejšych imihrantaŭ u ZŠA — to pra Alisiejenku publikacyi pakul bolš ścipłyja.
Raskazvajem, što pra jaho viadoma.
U śpiecyjalizavanym rejtynhu Sensor Tower, ckładzienym z ahladkaj na abjomy vyručki, stvorany Alisiejenkam ChatOn AI idzie pobač z ChatGPT, Grok, Claude, Suno, Google Gemini, Perplexity i Plaud. Pry hetym ChatOn AI apiaredziŭ takich ŠI-pamočnikaŭ jak Kling AI i Manus.
Čat-bot byŭ zapuščany biznesoŭcam u pačatku 2023 hoda i na siońnia źjaŭlajecca čaćviortym pa vyručcy ŭ Vialikabrytanii i Aŭstralii, piatym — u Italii i Arhiencinie, šostym — u Kanadzie i Saudaŭskaj Aravii, siomym — u Brazilii i AAE. Ahułam ChatOn naličvaje ŭžo bolš za 100 miljonaŭ zahruzak na iOS, Android i veb-płatformach.
Siarhiej Alisiejenka naradziŭsia ŭ 1983 hodzie ŭ Minsku. U 2006 hodzie jon skončyŭ Biełaruski dziaržaŭny ŭniviersitet infarmatyki i radyjoelektroniki. Adnym ź jaho adnakurśnikaŭ byŭ, naprykład, IT-pradprymalnik Viktar Prakapienia.
Adna ź pieršych zasnavanych Alisiejenkam u 2016 hodzie kampanij BP Mobile i pa siońnia paśpiachova raspracoŭvaje mabilnyja dadatki. U ich partfolia, naprykład, lidar amierykanskaha rynku ŭ spravie skanavańnia dakumientaŭ iScanner.
Praz try hady Alisiejenka spryčyniŭsia da zasnavańnia hulniavoj studyi FreePlay (stvaralniki Count Masters, Fidget Toys Trading i inšyja).
Akurat aktyvy ŭ BP Mobile i FreePlay prynieśli minčuku kapitał i viadomaść. Hetyja i inšyja kampanii siońnia abjadnanyja pad adnym ahulnym dacham — AIBY Group.
Paśla 2020 hoda ajci-pradprymalnik skaraciŭ svaju prysutnaść na biełaruskim rynku. Viadoma, što jon žyvie ŭ Majami, dzie razam z žonkaj u 2020 hodzie jany nabyli dom, i źjaŭlajecca suŭłaśnikam miascovych studyj Prequel i Highcore Games, jakija raspracoŭvajuć dadatki dla nakładki filtraŭ na fota i videa, a taksama mabilnyja hulni.
Abrańnicaj Siarhieja stała ŭkrainskaja madelka i jurystka Alesia Stefanko. U 2011 hodzie jana zavajavała tytuł «Mis Ukraina Suśviet», a potym zaniała druhoje miesca na samim mižnarodnym konkursie «Mis Suśviet».
Siońnia Alesia viadzie svoj jutub-błoh pra zdarovy ład žyćcia i modu, a taksama stvaraje prahramy trenirovak dla klijentaŭ.
Para vychoŭvaje dvaich dziaciej — chłopčyka Tea i dziaŭčynku Kaju.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary14
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Sajt kaža što da madeli GPT-5. To bok jašče adzin mutny dziadźka, takiž samy jak Prakapienia, jaki zusim nie hamaniec łuki i nijak nie afilavany z kryptabiržami ŭ Biełarusi ;)