Urad Biełarusi na šeść miesiacaŭ uvioŭ licenzavańnie impartu jabłykaŭ. Heta praduhledžana pastanovaj Savieta ministraŭ ad 24 vieraśnia 2026 hoda № 487.
Abmiežavańnie tyčycca ŭvozu jabłykaŭ z krain, jakija nie ŭvachodziać u Jeŭrazijski ekanamičny sajuz. Razavyja licenzii na taki impart budzie vydavać Ministerstva antymanapolnaha rehulavańnia i handlu pa ŭzhadnieńni ź Ministerstvam sielskaj haspadarki i charčavańnia.
Urad tłumačyć rašeńnie vysokim uradžajem jabłykaŭ u Biełarusi i nieabchodnaściu zabiaśpiečyć unutrany rynak pradukcyjaj ajčynnaj vytvorčaści.
U papiarednija hady Biełaruś nie zaŭsiody mahła zabiaśpiečyć nasielnictva jabłykami da novaha ŭradžaju, tamu ŭrad pieryjadyčna ŭvodziŭ licenzavańnie i na vyvaz hetaj pradukcyi z krainy.
Raniej Ministerstva sielskaj haspadarki i charčavańnia paviedamlała pra płany na praciahu najbližejšych piaci hadoŭ całkam admovicca ad zakupak niekatorych vidaŭ charčavańnia ŭ tak zvanych «niedružalubnych krainach». U hety śpis uvachodzili i jabłyki.
Značnaja častka impartnych jabłykaŭ tradycyjna pastupaje z Polščy. U 2025 hodzie Biełaruś nabyła polskich jabłykaŭ na 51,8 miljona dalaraŭ, a ŭ 2024 hodzie — na 37,8 miljona dalaraŭ.
Pierad hetym 22 vieraśnia nieadkładna spynić uvoz u Biełaruś impartnych jabłykaŭ prapanavaŭ staršynia Bresckaha abłvykankama Piatro Parchomčyk.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary12
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary