20‑hadovy biełarus ažaniŭsia z 41‑hadovaj žančynaj dziela adterminoŭki ad armii. Ale płan nie spracavaŭ
Sud pryznaŭ šlub niesapraŭdnym.
U Połacku sud pryznaŭ niesapraŭdnym šlub 20‑hadovaha mužčyny pryzyŭnoha ŭzrostu z 41‑hadovaj žančynaj, jakaja maje invalidnaść II hrupy. Jak ustanaviŭ sud, sajuz byŭ zarehistravany dla atrymańnia adterminoŭki ad terminovaj słužby, piša Reform.news.
Jak paviedamili ŭ Hienprakuratury, małady čałaviek nie pracavaŭ i nie vučyŭsia. Paśla rehistracyi šlubu vajenkamat daŭ jamu adterminoŭku pa siamiejnym stanoviščy, pakolki zakanadaŭstva Biełarusi praduhledžvaje jaje dla hramadzian, jakija majuć žonku ź invalidnaściu I abo II hrupy.
Pravierka ŭstanaviła, što sužency nie mieli namieru stvarać siamju, nie viali supolnaj haspadarki, nie mieli ahulnaha biudžetu i pastajanna razam nie pražyvali. Za bolš čym paŭtara hoda šlubu jany pražyli sumiesna kala paŭtara miesiaca.
Da momantu sudovaha razhladu mužčyna žyŭ z baćkami, a jaho žonka — ź inšym čałaviekam. Siamiejnych i blizkich adnosin pamiž imi nie było.
Prakuror Połackaha rajona źviarnuŭsia ŭ sud u intaresach dziaržavy ŭ asobie vajennaha kamisaryjata Połackaha i Rasonskaha rajonaŭ i Navapołacka. Sud zadavoliŭ isk i pryznaŭ šlub niesapraŭdnym. Z kožnaha z sužencaŭ spahnali dziaržmyta ŭ pamiery 67,5 rubla.
Rašeńnie pakul nie ŭstupiła ŭ zakonnuju siłu i moža być abskardžana abo apratestavana ŭ apielacyjnym paradku.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary