U dačynieńni da biełarusaŭ u ZŠA byli vyniesienyja 52 pastanovy ab departacyi za niajaŭku ŭ imihracyjny sud
Biełarusy, jakija čakajuć razhladu svaich spraŭ u imihracyjnych sudach, usio čaściej sutykacca ź situacyjami propusku svaich sudovych pasiadžeńniaŭ i atrymlivajuć rašeńni ab departacyi.
Z pačatku 2026 hoda ŭ 42 sudovych spravach biełarusy nie źjavilisia na pasiadžeńni, u vyniku čaho byli vyniesienyja pastanovy ab ich departacyi. Z ulikam ich siamiejnikaŭ hetyja rašeńni zakranuli ahułam 52 asoby, paviedamlaje vałanciorskaja inicyjatyva By_Action.
U 10 z 52 asob byŭ advakat, ale jany ŭsio roŭna prapuścili sudovaje pasiadžeńnie.
Inicyjatyva nastojliva raić štodnia praviarać status svajoj spravy ŭ sudovaj sistemie. Ciapier daty słuchańniaŭ, pryznačanyja sudździ i inšaja infarmacyja pa imihracyjnych spravach mohuć mianiacca praktyčna štodnia.
Inicyjatyva zaklikaje praviarać svaju spravu navat tady, kali vaša zajava jašče znachodzicca na razhladzie ŭ USCIS (Słužba ZŠA pa hramadzianstvie i mihracyi), a kali nie mahčyma atrymać asobnaha paviedamleńnia pra pačatak imihracyjnaha pracesu ŭ sudzie, tamu važna samastojna praviarać, ci nie źjaviłasia vaša sprava ŭ sistemie EOIR (Upraŭleńnie razhladu imihracyjnych spraŭ).
Kali vašaj spravy jašče niama ŭ sudovaj sistemie, samy nadziejny sposab pravieryć jaje status — patelefanavać pa numary 800-898-7180.
Ciapier čytajuć
Biełarusu na 100 hadoŭ zabaranili ŭjezd u Rasiju — za ŭdzieł u minskich maršach 2020 hoda3
Kamientary