«Kapiejki zapłacić nie mohuć». Łukašenka aburyŭsia praterminavanymi zapazyčanaściami za arendnaje žyllo
«Ale nie hadami ž budziem dapamahać», — zaznačyŭ jon.
Alaksandr Łukašenka paznačyŭ prablemu praterminavanaj zapazyčanaści za arendu žylla i kamunalnyja pasłuhi na naradzie ab pierśpiektyvach žyllovaha budaŭnictva i pavyšeńni efiektyŭnaści vykarystańnia arendnaha žylla, piša BiełTA.
«Vyklikajuć ździŭleńnie cenaŭtvareńnie i dyscyplina raźlikaŭ za arendnyja mietry. U niekatorych vypadkach arendnaja płata za žyllo ŭ abłasnych centrach prosta simvaličnaja: 30 rubloŭ na miesiac za dvuchpakajovuju kvateru», — adznačyŭ jon.
Jon źviarnuŭ uvahu, što na hetym fonie ŭźnikaje paradoks: praterminavanaja zapazyčanaść za arendu i kamunalnyja pasłuhi ŭ cełym pa krainie pieravaliła za 20 młn rubloŭ, a daŭžniki hadami praciahvajuć karystacca arandavanymi kvadratnymi mietrami. «Kapiejki kaštuje, i heta zapłacić nie mohuć», — aburyŭsia kiraŭnik dziaržavy.
«Viadoma, situacyi byvajuć roznyja. Časam čałaviek trapiŭ u biadu, znachodzicca ŭ ciažkim stanoviščy. Jamu, moža, i treba dapamahčy. Ale nie hadami ž budziem dapamahać», — zaŭvažyŭ Alaksandr Łukašenka.
«Zafiksavanyja Kamitetam dziaržkantrolu fakty i sumy sukupnych daŭhoŭ pakazvajuć, što tut niejkaja sistemnaja niedapracoŭka, jakuju treba vypravić», — zajaviŭ jon.
-
«Łukašenku nielha nazvać navat małodšym partnioram Pucina». Kit Kiełah raskazaŭ pra rolu Łukašenki ŭ pieramovach ZŠA i Rasii
-
U Barysavie dziacieł zaniaŭsia dyzajnam fasadaŭ i nie daje žycharam zranku spać
-
«Tak zvanaja postpienitencyjarnaja adaptacyja». Departavany palitviazień Kiryła Paźniak apublikavaŭ svajo FOTA z dočkami
Kamientary