Dva hady tamu ŭ Italii zabili biełaruskuju tancoŭščycu. Ciapier za heta asudzili jaje partniora-palaka
46‑hadovuju biełaruskuju byłuju tancoŭščycu Hannu Hierasimčyk znajšli miortvaj 13 červienia 2024 hoda ŭ jaje kvatery ŭ horadzie Pacuoła Martezana kala Miłana. A 22 červienia 2026 hoda sud prysiažnych Miłana prysudziŭ da dziesiaci hadoŭ źniavoleńnia 43‑hadovaha polskaha kiroŭcu hruzavika Mareka Konrada Danieca, partniora zahinułaj. Jaho pryznali vinavatym u nienaŭmysnym zabojstvie, paviedamlaje Il Giorno.
U apublikavanych ciapier matyvach prysudu sud rastłumačyŭ, čamu ŭ dziejańniach mužčyny nie znajšli ahulnych źmiakčalnych abstavin. Pavodle sudździaŭ, Daniec śviadoma vyrašyŭ nie spyniać «taksičnyja» adnosiny z partniorkaj, pieryjadyčna dapuskaŭ hvałtoŭnyja svarki i nieadnarazova staviŭ pad pahrozu jaje zdaroŭje.
Razam z tym sud uličyŭ jahony stan razdražnieńnia i rasčaravańnia, jaki nieadnarazova abmiarkoŭvaŭsia padčas pracesu, a taksama sproby paźbiahać pravakacyj z boku žančyny. Tamu sud paličyŭ adpaviednym pryznačyć minimalnaje pakarańnie, praduhledžanaje zakonam.
Danieca aryštavali ŭ śniežni 2024 hoda pa padazreńni ŭ naŭmysnym zabojstvie. Paźniej jaho vyzvalili z-pad varty i źmiaścili pad chatni aryšt.
Padčas sudovaha razhladu abaroncy mužčyny damahlisia praviadzieńnia sudova-miedycynskaj ekśpiertyzy. Ekśpiert pryjšoŭ da vysnovy, što śmierć žančyny nastupiła praź mijakardyt — zapaleńnie sardečnaj myšcy, na jakoje jana chvareła.
Ekśpiertyza vyklučyła naŭmysnaść zabojstva, paśla čaho prakuratura źmianiła kvalifikacyju abvinavačvańnia z naŭmysnaha zabojstva na nienaŭmysnaje. Sud taksama adznačyŭ, što Daniec nie viedaŭ pra zachvorvańnie partniorki, tamu jamu nie pryznali tak zvany ŭskosny namier.
Adnak padčas apošniaj svarki mužčyna, pavodle sudovaha rašeńnia, nieadnarazova mocna biŭ žančynu, hvałtoŭna chapaŭ i ŭtrymlivaŭ jaje, mahčyma, źbiŭ z noh, a taksama zakryvaŭ joj rot rukoj. Takim čynam jon prymusiŭ Hannu abaraniacca ad udaraŭ, choć viedaŭ pra jaje asablivuju fizičnuju ŭraźlivaść, u tym liku źviazanuju sa złoŭžyvańniem ałkaholem.
Sudździ apisali adnosiny pary jak taksičnyja. Pavodle ich, Daniec usio bolš razdražniaŭsia, ale pry hetym praciahvaŭ śćviardžać, što lubić Hannu. Jany časta svarylisia, a žančyna, jak śćviardžaŭ abvinavačany, pavodziła siabie pravakacyjna. Navat padčas kanfliktaŭ jon praciahvaŭ kuplać joj cyharety, vino i leki.
Sud pryjšoŭ da vysnovy, što ŭ takich adnosinach pamiž partniorami treba było ŭličvać mahčymaść nadzvyčaj ciažkich nastupstvaŭ, navat kali jany nie byli žadanymi abo mahli nastupić vypadkova. Mienavita tak, pavodle materyjałaŭ spravy, u vyniku i adbyłosia.
«Jana hadami ciarpieła, a paśla adzin raz udaryła muža nažom — hetaha chapiła, kab zabić»
U Minsku žorstka pakarali zabojcaŭ kirhizskaha kryminalnaha aŭtaryteta
Biełaruskaha Siniuju Baradu adpuścili z rasijskaj turmy pamirać doma
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary