U Polščy nazvali ŭmovy dla źmiastoŭnaha dyjałohu ź Biełaruśsiu
Namieśnik ministra zamiežnych spraŭ Polščy Marcin Basacki zajaviŭ, što Varšava zaŭvažaje apošnim časam źnižeńnie napružanaści na biełaruska-polskaj miažy i vyzvaleńnie palitviaźniaŭ. Adnak, pavodle jaho słoŭ, dla dalejšaha raźvićcia adnosinaŭ nieabchodna, kab Minsk całkam spyniŭ tak zvanyja «ahresiŭnyja žesty».
Basacki adznačyŭ, što za apošnija miesiacy Biełaruś zrabiła niekalki krokaŭ, jakija, na dumku polskaha boku, spryjali źnižeńniu napružanaści. Siarod ich jon nazvaŭ vyzvaleńnie kala 800 palityčnych źniavolenych. Pry hetym namieśnik ministra padkreśliŭ, što jašče kala 800 ludziej, asudžanych pa palityčnych spravach, zastajucca ŭ biełaruskich turmach.
Jašče adnoj źmienaj Basacki nazvaŭ značnaje źnižeńnie mihracyjnaha cisku na polska-biełaruskaj miažy. Pavodle jaho słoŭ, u 2026 hodzie kolkaść sprobaŭ niezakonnaha pierasiačeńnia miažy skaraciłasia da niekalkich pracentaŭ ad uzroŭniu papiarednich čatyroch-piaci hadoŭ. Polski bok ličyć, što mihracyjny cisk raniej byŭ štučna arhanizavany biełaruskimi śpiecsłužbami i zakranaŭ nie tolki Polšču, ale i ŭsiu ŭschodniuju miažu Jeŭrapiejskaha sajuza.
Na hetym fonie pamiž Varšavaj i Minskam pačaŭsia palityčny dyjałoh. Jaho prykmietaj stała sustreča ministra zamiežnych spraŭ Polščy Radasłava Sikorskaha z kiraŭnikom biełaruskaha MZS Maksimam Ryžankovym u Ńju-Jorku. Basacki zajaviŭ, što pakul rana kazać, ci stanie heta pačatkam bolš šyrokaha palapšeńnia adnosinaŭ, ci zastaniecca razavym krokam.
Pavodle jaho słoŭ, Polšča chacieła b padtrymlivać dobryja adnosiny z usimi susiedziami, ale čakaje ad ich admovy ad ahresiŭnych dziejańniaŭ. Mienavita poŭnaje spynieńnie takich dziejańniaŭ jon nazvaŭ polskaj umovaj dla źmiastoŭnaha dyjałohu ź Biełaruśsiu.
Sikorski raniej paviedamlaŭ, što padčas sustrečy z Ryžankovym jany abmierkavali situacyju na miažy i rehijanalnuju biaśpieku. Polski ministr taksama ŭźniaŭ pytańnie ab tym, kab Biełaruś nie dazvalała rasijskim bieśpiłotnikam i rakietam pralatać praz svaju terytoryju.
Sikorski nazvaŭ sustreču pieršaj aznajamlenčaj i paviedamiŭ, što Polšča nieŭzabavie adkryje novy budynak svajho pasolstva ŭ Minsku. Pavodle jaho słoŭ, Varšava hatovaja palapšać adnosiny z susiedziami, kali dla hetaha źjaviacca adpaviednyja ŭmovy.
Adkazvajučy na pytańnie ab mahčymym pryznańni Alaksandra Łukašenki, Sikorski zajaviŭ, što Polšča jak dziaržava pryznaje dziaržavy, a nie ŭrady. Mahčymaść narmalizacyi adnosin ź Biełaruśsiu jon paraŭnaŭ z padśniežnikam, jaki moža raspuścicca pry spryjalnym nadvorji.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje
Babaryka padziakavaŭ Sikorskamu za sustreču z Ryžankovym u Ńju-Jorku
Polšča adkryje novy budynak pasolstva ŭ Minsku
Varšava asłablaje dypłamatyčny ihnor Minska. Upieršyniu paśla 2020‑ha sustrelisia ministry zamiežnych spraŭ Biełarusi i Polščy
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary