Pradstaŭniki raźviedki ZŠA pryhrazili «nieadkładna» spynić abmien danymi z Ukrainaj u vypadku novych udaraŭ pa rasijskich NPZ
«Papiaredžańni byli nastolki masavymi, što zvanki pastupali ŭsim, u kaho proźvišča hučała pa-ŭkrainsku».
Pradstaŭniki amierykanskaj raźviedki papiaredzili pasolstva Ukrainy ŭ ZŠA, što «nieadkładna» spyniać pieradavać raźviedvalnuju infarmacyju, kali ŭkrainskaja armija praciahnie nanosić udary pa rasijskich enierhietyčnych abjektach. Pra heta paviedamiła The Washington Post sa spasyłkaj na krynicu, znajomuju ź situacyjaj.
«Papiaredžańni byli nastolki masavymi, što zvanki pastupali ŭsim, u kaho proźvišča hučała pa-ŭkrainsku»,— adznačyŭ surazmoŭca vydańnia.
Pry hetym jon padkreśliŭ, što ZŠA całkam nie spyniali abmien raźviedvalnymi danymi z Ukrainaj, a rakietam, jakimi Rasija atakavała Kijeŭ u apošnija dni, raniej udavałasia abychodzić sistemy papiaredžańnia.
Napiaredadni prezident Ukrainy Uładzimir Zialenski paćvierdziŭ, što Vašynhton pryhraziŭ spynić abmien raźviedvalnaj infarmacyjaj.
«Jany havaryli heta maim hienierałam, a nie mnie. Maje hienierały skazali, što atrymali hetuju infarmacyju na vajennym uzroŭni», — raskazaŭ ukrainski lidar.
U svaju čarhu prezident ZŠA Donald Tramp zapeŭniŭ, što abmien raźviedvalnymi danymi budzie praciahvacca.
«My dapamahajem im i dzielimsia infarmacyjaj. My chočam, kab vajna skončyłasia», — adznačyŭ kiraŭnik Biełaha doma.
Raniej Zialenski paviedamlaŭ, što dźvie nočy zapar ukrainskija vajskoŭcy nie atrymlivali papiaredžańniaŭ pra zapusk Rasijaj balistyčnych rakiet pa Kijevie. U vyniku ŭdary byli naniesienyja pa ŭsich klučavych enierhietyčnych abjektach ukrainskaj stalicy.
Pierad hetym Tramp abviaściŭ pra enierhietyčnaje pieramirje pamiž Maskvoj i Kijevam, zapatrabavaŭšy, kab ukrainskaja armija nie nanosiła ŭdary pa rasijskich naftapierapracoŭčych zavodach (NPZ). Zialenski zahadaŭ nie nanosić takich udaraŭ, a paźniej abvinavaciŭ Rasiju ŭ parušeńni režymu spynieńnia ahniu.
Paśla niekalkich dzion praciahłych rasijskich atak ukrainski prezident zajaviŭ, što źniaŭ zabaronu na ŭdary pa rasijskich NPZ. Pry hetym jon adznačyŭ, što adsutnaść papiaredžańnia z boku amierykanskaj raźviedki pra rakietnyja ŭdary była nie techničnaj niaspraŭnaściu, jak śćviardžaŭ Pientahon, a śviadomym rašeńniem.
U toj ža čas u rasijskim uradzie zajavili, što ŭkrainskaja armija nie spyniała atak na naftapierapracoŭčyja zavody i ŭ sieradu, 14 kastryčnika, naniesła ŭdary pa dvuch pradpryjemstvach, piša Moscow Times.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary