Usie žančyny – viadźmarki, padstupnyja źluki, tatalitarnyja kapłanki pčalinaha roju, jakija tolki j mrojać, kab skarystać mužčynu ŭ hniusnych metach...
Plecieny čałaviek (Wicker Man).
ZŠA–Niamieččyna, 2006, kalarovy, 102 chv.
Žanr: Mistyčnaja drama.
Adznaka: 4,5 (z 10).
Šeryf Mełas atrymlivaje list ad byłoj niaviesty. Žančyna prosić znajści svaju źnikłuju dačku. Hieroj adpraŭlajecca na vyspu Samers, dzie sutykajecca z matryjarchatam i pahanskimi kultami…
Stužka Niła Łabuta jość paŭtoram zabytaha brytanskaha šedeŭru Robina Chardzi.
Ale – kali ŭ karcinie 1973 hodu akcentavałasia sutyknieńnie chryścijanstva z novaadrodžanym pahanstvam, dyk sučasny «Plecieny čałaviek» – mlavyja zaściarohi ad feminizmu.
Usie žančyny – viadźmarki, padstupnyja źluki, tatalitarnyja kapłanki pčalinaha roju, jakija tolki j mrojać, kab skarystać mužčynu ŭ hniusnych metach.
Rolu padmanutaha detektyva hraje Nikałas Kiejdž, jaki sprabuje paŭtaryć aktorskija podźvihi z «8 mm» – ale atmasferka feministyčnaje vyspy nie spryjaje – ni stracham, ni hieraizmu. Irvanyja sny-tryźnieńni, maski, muzyka linčaŭskaha kampazytara Badałamenci, vajskova-pčalarskaja forma, maŭkliva-zapałochanyja mužčyny…
I radasnaja dačuška z pachodniaj.
Kinaseansy ŭ Miensku:
«Aŭrora» z 16 pa 18 kastryčnika – 18.30, 20.30, 21.40.
«Družba» 19, 20, 22 kastryčnika – 17.00, 19.00; 21 kastryčnika – 15.00 (ilhotny), 21.00.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary