Na prezientacyi knihi Lankieviča śpiavali i žanili komin
Na viečarynu z pryjechaŭ falkłorna-etnahrafičny hurt pad kiraŭnictvam Kaciaryny Pančenia ź vioski Pahost Žytkavickaha rajona.
Na viečarynu z pryjechaŭ falkłorna-etnahrafičny hurt pad kiraŭnictvam Kaciaryny Pančenia ź vioski Pahost Žytkavickaha rajona.
12 listapada ŭ Minsku ŭ Instytucie imia Hiote adbyłasia prezientacyja fotaalboma «Pahanstva» aŭtarastva Andreja Lankieviča. Viečaryna prajšła pry poŭnym anšłahu, mnohija hości stajali. Pieravažnaja bolšaść prysutnych składałasia z moładzi, što i adznačyŭ Andrej Lankievič pierad pačatkam prezientacyi.
Spačatku z dapamohaj videašerahu i słajd-šoŭ adbyłasia znajomstva sa źmiestam knihi. U peŭny momant u zału ŭvajšli žančyny z falkłorna-etnahrafičny hurta ź vioski Pahost Žytkavickaha rajona, jakim kiruje Kaciaryna Pančenia. Jany praśpiavali kolki abradavych piesień, paśla čaho aŭtar knihi daŭ słova daśledčycy narodnaj tvorčaści i adnoj z stvaralnic padlaska-paleskaha fiestyvalu «Tam po majovuj rosi» Irynie Maziuk, jakaja padrychtavała tłumačeńni da fotazdymkaŭ. Iryna Maziuk adznačyła, što fotaalbom «Pahanstva» staŭ najpierš mastackim tvoram, a nie prosta dakumientalnaj fiksacyjaj tradycyj.
Naprykancy prezientacyi žančyny z Pahostu prademanstravali «Žanićbu komina» — abrad z tysiačahadovaj historyjaj, pieršy z uniesienych u śpis niemateryjalnych kaštoŭnaściaŭ Biełarusi. Dziela hetaha jany admysłova pryvieźli z Paleśsia «komin».
***
Kniha «Pahanstva» była nadrukavanaja ŭ litoŭskim vydaviectvie «Arx baltica» pry padtrymcy polskaha vydaviectva Fundacja Villa Sokrates i Niamieckaha Fondu Maršała. Zamović jaje možna ŭ internet-kramie Knihi.by.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam22
Kamientary