U mienskim Pałacy mastactvaŭ prajšła tvorčaja viečaryna Hienadzia Buraŭkina, prymierkavanaja da jahonaha 70-hodździa. Choć da apošniaha momantu peŭnaści, što jana adbudziecca ŭ zaplanavanym miescy nie było.
U pačatku dnia prajšła infarmacyja, što administracyja Pałacu admoviła ŭ arendzie pamiaškańnia. Śpiecham razhladalisia inšyja varyjanty, ale ŭrešcie ŭ adkaznyja čynoŭniki dali dazvoł, i viečaryna prajšła tam, dzie było zaplanavana.
Dla ŭsich prysutnych nie chapała kresłaŭ, šmat chto byŭ vymušany prastajać na nahach usiu imprezu, što śviedčyć ab sapraŭdnaj cikavaści da tvorčaści Buraŭkina. U asnoŭnym na viečarynu pryjšli ludzi starejšaha pakaleńnia, ich nia ŭbačyš siońnia na prezentacyjach knih «bum-bam-litaŭskich» aŭtaraŭ. Uhłybini zali byŭ zazvažany kandydat u prezydenty-2001 Uładzimier Hančaryk.
Jana dała słova daŭniamu siabru Buraŭkina, narodnamu paetu Ryhoru Baradulinu. Ryhor Ivanavič pračytaŭ svoj vierš z pryśviačeńniem Buraŭkinu, a taksama nievialičkuju epihramu. Skončyŭ svoj vystup Ryhor Baradulin vokličam «Žyvie Biełaruś!»
Ź vinšavalnymi słovami vystupili kalehi pa piaru spadara Hienadzia: Aleś Paškievič, Anatol Viarcinski. Siarhiej Dalidovič padaryŭ jubilaru słoičak adbornych łahojskich baravičkoŭ, a Radzim Harecki skazaŭ, što siońnia niama bolš hodnaj kandydatury na zvańnie narodnaha piśmieńnika Biełarusi, čym Hienadź Buraŭkin.
Z muzyčnaj častki zmahli vystupić tolki artysty opery, Lavon Bartkievič musiŭ terminova jechać na kancert u Maskvu, ale pieradaŭ svaje ščyryja vinšavańniu jubilaru ŝ zapisie. Jadźviha Papłaŭskaja i Alaksandar Cichanovič ad udziełu ŭ imprezie admovilisia, tamu prysutnyja pasłuchali adno fanahramy ichnich śpievaŭ.
Pavitali Buraŭkina probašč kaściołu śviatych Symona i Aleny Ŭładzisłaŭ Zavalniuk, režyser Valery Mazynski. Ciopłyja słovy kazali kolišnija kalehi Hienadzia Buraŭkina pa pracy na telebačańni.
Pa skančeńni imprezy Hienadź Buraŭkin atrymaŭ mnostva kvietak ad šmatlikich prychilnikaŭ jaho tvorčaści.
Fotarepartaž ź imprezy ŭ błogu Julii Daraškievič
Fota Julii Daraškievič
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Kamientary