Łukašenka patrabuje zacisnuć hajki na pradpryjemstvach: «jość praktyka časoŭ Andropava»
«U suviazi z teraktam u minskim mietro».
Alaksandr Łukašenka ŭ suviazi z teraktam u minskim mietro patrabuje naviadzieńnia paradku ŭ arhanizacyjach i pradpryjemstvach, u tym liku ŭzmacnieńnia žorstkaści pracoŭnaj dyscypliny.
«Siońnia chaču źviarnuć uvahu ŭsich kiraŭnikoŭ: naviadzicie paradak. Pracoŭny čas pavinien być addadzieny pracy, nijakaj bałbatni i hetak dalej», — zajaviŭ A. Łukašenka ŭ piatnicu, zasłuchoŭvajučy dakład ab chodzie rasśledavańnia abstavinaŭ vybuchu ŭ minskim mietro, paviedamlaje
Jak adznačyŭ jon, papiarednija vyniki pravierak pakazvajuć, što «pryčyny i ŭmovy, spryjalnyja dla złačynstvaŭ (vybuchaŭ — IF), zaklučajucca nie tolki ŭ niedapracoŭcy pravaachoŭnych orhanaŭ. Va ŭstanovach adukacyi i na pradpryjemstvach biazładzicy bolš, čym treba», — skazaŭ A. Łukašenka.
U pryvatnaści, rastłumačyŭ jon, u škołach vyjaŭlajecca masa parušeńniaŭ u arhanizacyi vychavaŭčaha pracesu i pry praviadzieńni
«Pačynajem raźbiracca i vyśviatlajem, što hety čałaviek (abvinavačany ŭ terakcie) moh paprostu syści z pracy, nabrać šarykaŭ, rolikaŭ, armatury i zajmacca svaimi spravami, u tym liku — vypraboŭvać vybuchovyja pryłady ŭ lasach. I nichto hetaha nie bačyŭ», — skazaŭ A. Łukašenka. «Usio heta treba spynić», — padkreśliŭ Łukašenka.
U hetaj suviazi, pavodle jaho słovaŭ, u vypadkach biazładzicy ŭ biudžetnaj śfiery, dziaržstrukturach, až da pryvatnikaŭ, rašeńni pavinny prymacca imhnienna.
«U nas jość savieckaja praktyka časoŭ Andropava.Padabajecca heta kamuści ci nie, ale prykładna tak my pavinny prymusić kožnaha pracavać», — zajaviŭ kiraŭnik dziaržavy.
Kamientary