Kurs čornaha rynku dasiahnuŭ 6000 za dalar, valutčyki tolki kuplajuć, nie pradajuć
Kurs u abmieńnikach zastaŭsia na ŭzroŭni 4500 rubloŭ. Na internet-forumach pišuć, što, mahčyma, ad paniadziełka Nacbank uzdymie miažu dazvolenaha da 6000 rubloŭ.
Kurs čornaha rynku valuty ŭ Minsku praciahvaje raści. Kali ŭčora valutčyki kuplali dalar za 5000 tysiač, siońnia dajuć 6000. Pry hetym bolšaść valutčykaŭ spynili prodaž dalaraŭ u čakańni miažy, na jakoj stabilizujecca padzieńnie rubla.
Nahadajem, što aficyjny kurs dalara, jaki ŭstalovajecca Nacbankam, zaŭtra składaje 3 130 rubloŭ. Jon zanižany ŭ paraŭnańni z realnym, jaki vykarystoŭvajecca nasielnictvam na 60–100%.
Kurs u abmieńnikach zastaŭsia na ŭzroŭni 4500 rubloŭ. Banki nie majuć śmiełaści vystavić kurs, vyšejšy za «rekamiendacyju» Nacbanka. Pa takim kursie nabyć valutu ŭsio jašče niemahčyma. Na internet-forumach pišuć, što, mahčyma, ad paniadziełka Nacbank uzdymie miažu dazvolenaha da 6000 rubloŭ.
Situacyja z elektronnym abmieńnikam prokopovi.ch taksama niesuciašalnaja dla Nacbanka. Siaredni kurs prapanovy raście tam kožny dzień na 4–6%, dasiahnuŭšy ŭčora ŭzroŭniu 5663 rubloŭ (prodaž — 6407).Heta na 100% bolš, čym aficyjny kurs.
Na aficyjnym rynku bieznajaŭnaj valuty ceny jašče vyšejšyja. Ad paniadziełka banki pradajuć valutu pradpryjemstvam za 7200 rubloŭ.
U rezkim padzieńni rubla jość elemient paniki: Nacbank nie maje reziervaŭ, kab stabilizavać situacyju na rynku, tamu finansavy śviet nastroiŭsia na najhoršyja scenary.
-
«Santa Bremar» choča adsudzić pravy na brend u viadomaha rasijskaha vytvorcy, jakoha pryznali ekstremisckim za padtrymku USU
-
Amierykanskamu ŭłaśniku parku «Suła», vychadcu ź Biełarusi, pradali budynki byłoha jaŭrejskaha hieta ŭ Navahrudku
-
Hubiernatar Prymorskaha kraju RF raskazaŭ, što tam z budaŭnictvam biełaruskaha porta
Ciapier čytajuć
Kab nie płacić padatak na sabak, minčuki pačali zdavać ich u punkty adłovu12
Kamientary