Śpiecyjalna da 8 Sakavika: samyja seksualnyja mužčyny Biełarusi
Viadomyja biełaruski nazyvajuć tych, chto vymušaje ich sercy bicca macniej.
Što takoje seksualnaść?
Jak vyznačyć krytery adniasieńnia čałavieka da seks-simvała?Ci heta tolki nakačanyja muskuły, «kvadraciki» na žyvacie dy vyhlad Alena Dełona? Ci ŭsio ž unutranyja jakaści čałavieka: mužnaść, rozum, kiemlivaść?
Kali ž pasprabavać vyvieści «formułu seksualnaści», atrymajem nastupnaje: źniešniaja pryhažość, jakaści charakataru, pamnožanyja na viadomaść.
Maładość i zapał Hančarenki
Žurnalistka Maryna Koktyš, što «admoviła» Łukašenku na ŭsiu krainu, naličyła niekalki pryvabnych biełarusaŭ.Pa-pieršaje, eks-ministra ŭnutranych spraŭ Juryja Zacharanku za «niešta niezrazumieła pryciahalnaje, žarstkaje, pałkaje».
Pa-druhoje, režysiora Kupałaŭskaha teatra Alaksandra Harcujeva jak «uzor «niekryklivaj» seksualnaści». Zatym — Uładzimir Niakłajeŭ, jaki tak tempieramientna čytaje vieršy, što zdolny ŭskrucić hałavu luboj biez vyklučeńnia žančynie.
Narešcie, za «maładość, zapał i ŭsio astatniaje» ŭ śpis seks-simvałaŭ Koktyš patrapiŭ 34-hadovy trenier barysaŭskaha BATE Viktar Hančarenka.
Nazavu Kaščejeva — Bułka pakryŭdzicca
A voś televiadučaja Lusia Łuščyk tak i nie vyznačyłasia, kaho nazvać samym-samym.«Nazavu Kaščejeva — Bułka pakryŭdzicca», — kaža dziaŭčyna. I dadaje, što «ŭ nas šmat pryvabnych mužčyn. Adukavanych, vychavanych, nadziejnych. Biełaruskim žančynam pašancavała!».
Samy seksualny — moj muž!
Žonkami seks-simvałaŭ ličać siabie viadučaja Tamara Lisickaja, śpiavačka Rusia, kiraŭnica partała Diva.by Alena Karaviec.Ich spadarožniki žyćcia nie sastupajuć svaim pałavinkam pa papularnaści.
Miarkujcie sami: muž Lisickaj — prahramny dyrektar «Radyus-FM» Hleb Marozaŭ. Bahdan Karaviec — viadomy IT-nik i rekłamščyk.
Spadarožnik žyćcia Rusi Juryj Macijun — talenavity fatohraf, jaki «ščyra zakachany ŭ Biełaruś i mianie», jak ličyć śpiavačka. Zastajecca tolki pa-dobramu im pazajzdrościć.
Zrešty, Lisickaja nie abmiažoŭvajecca mužam,dadaŭšy ŭ śpis muzykaŭ Uładzimira Puhača (hurt J-Mors), Źmitra Vajciuškieviča, Pita Paŭłava dy tenisista Maksa Mirnaha.
Kalinoŭski i Vylivacha
Svajho muža, muzyku, historyka i litaratara Jaraša Mališeŭskaha, paetka Aksana Sprynčan nazyvaje «seks-realnaściu».
«Kali b ja žyła raniej, moj seks-simvał byŭ by Kastuś Kalinoŭski,kali b stałasia litaraturnaj hierainiaj — Hiervasij Vylivacha [piersanaž apovieści Karatkieviča «Ładździa Rospačy» — «NN»]», — razvažaje paetka.
«Kab seksualnaje žyćcio było bolej raznastajnym, čytaju i słuchaju inšych seksualnych mužčyn — Leanida Drańko-Majsiuka, Uładzimira Niaklajeva, Alezisa Dziemidoviča, Pita Paŭłava… A jak upryhožvaje žyćcio biełaruska-šviedski seks-anioł Stefan Eryksan!»
Niedasiažny Sieviaryniec
Samy seksualny biełaruski mužčyna — heta, biezumoŭna, Pavał Sieviaryniec, ličyć litaratarka Maryja Martysievič.Čamu? Bo seks-simvał nie pavinien być dasiahalny.
«Heta prosta fiejeryja seksu. Našaha cnatlivaha biełaruskaha seksu».
Łukašenka skazaŭ — Łukašenka zrabiŭ
A voś dla cyrkački Hanny Bandarčuk (viadučaj prahramy «Noč z Hannaj Bond» na BiełMuzTB) mužčynski seks-simvał — Alaksandr Ryhoravič.Tak, mienavita Łukašenka, a nie jaki-niebudź Cichanovič.
Čamu? Usio prosta: «u armii słužyŭ — užo pryjemna. Ciapierašnija tudy asabliva nie chodziać», — kaža Bond.
«Mocny ducham, vysoki, pryhožy. Skazaŭ — zrabiŭ.Kožnaj by pa takim mužčynu — i ŭ chacie byŭ by poŭny paradak». Artystka nie škaduje kamplimientaŭ, kab apisać svajho «seks-simvała». Jana naležyć da cyrkavoj dynastyi Bandarčukoŭ. Mnohija pamiatajuć, jak Taćciana Bandarčuk, kiraŭnica Dziaržaŭnaha cyrku, u 1999 hodzie akazałasia ŭ centry skandała, nitački ź jakoha pryviali śledčych da pałkoŭnika Paŭličenki. Spravu ŭrešcie spyniŭ Alaksandr Łukašenka...
Što ž, kožnamu — svajo. Ci, dakładniej, kožnaj — svoj.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary