Mahnitnaja rasiejskaja anamalija
Drama Vadzima Abdrašytava «Mahnitnyja bury»
BT, 22.05
Mahnitnyja bury (Mahnitnyje buri)
Rasieja, 2003, kalarovy, 93 chv.
Režyser: Vadzim Abdrašytaŭ
Roli vykonvajuć: Maksim Avieryn, Viktoryja Taŭstahanava, Lubava Arystarchava, Barys Šuvałaŭ, Stanisłaŭ Strałkoŭ, Rušana Ziafitdzinava
Žanr: Drama
Maleńki pravincyjny haradok staić na mahnitnaj anamalii. Žyćcio mieścičaŭ całkam zaležyć ad vializnaha metalurhičnaha kambinata. Dva aliharchi anijak nie padzielać, kamu naležyć zavod. Da “sprečki haspadarčych subjektaŭ” dałučylisia j praletaryi. Štodzień jany ładziać kułačnyja bai, vyśviatlajučy čyj aliharch najlepšy.
Hierojaŭ vykidajuć z kvatery, ad ich sychodziać žonki, a były siabra stanovicca voraham. Ale praletarskija achviary za čužyja intaresy nie patrebnyja anikomu.
Vadzim Abdrašytaŭ za savieckim časam stvaraŭ prablemnaje, psychalahičnaje kino (“Parad planetaŭ”, “Spyniŭsia ciahnik”, “Palavańnie na lisaŭ”). A karcina-prypavieść “Plumbum”, uvohule, zdymałasia ŭ Miensku. U stužkach režysera hramadzkaj mašynie supraćpastaŭleny indyvidualny čałaviek. Kab pieradać šeruju realnaść, abirajucca staryja damy, papraciekłyja dachi, stoma j spakutavanyja tvary.
“Mahnitnyja bury” praciahvajuć režyserskija tradycyi.
Kamientary