Stenahrama onłajn-kanferencyi z Alaksandram Milinkievičam

My nie płanujem namiotavaha miastečka.

Abjadnańnie sacyjał-demakrataŭ liču pazityŭnaj pierśpiektyvaj dla budučaj palityčnaj sceny ŭ Biełarusi. Siońnia SŁS – heta abjadnańnie tolki častki partyj levaha tołku. Dobra było b, kab usie biełaruskija sacyjał-demakraty stvaryli adnu mocnuju partyju, lahčej było b supracoŭničać.

1. Ja karystajusia nastała z [email protected].

2. Siońnia dla pačatku pracy kanała jość praktyčna ŭsio. I technična i finansava, i kadrava. Zatrymka chutčej u tym, što stvaralniki imknucca ŭsio dapiać i zrabić prystojny pradukt. Pa infarmacyi, jakuju ja maju siońnia, pačatak pracy kanała płanujecca bližej da vosieni. Moj štab viadzie stałyja kansultacyi z stvaralnikami kanała. Ale, padkreślu, kanał robicca prafiesijnymi biełaruskimi i polskimi žurnalistami. Ja ad pačatku vystupaŭ suprać luboj sproby palityzacyi kanała, jon nie moža być ruparam apazicyi, heta budzie kanał, pa jakim biez BTešnaha skažeńnia budzie demanstravacca sapraŭdnaje biełaruskaje žyćcio.

3. Nie. Uvachod ludziej z demakratyčnymi pohladami ŭ skład jakoj-kolviek dziaržaŭnaj ustanovy nie vyrašyć prablemy, nie budzie i nie moža aznačać demakratyčnych źmienaŭ u krainie. Prablemu vyrašać svabodnyja vybary prezidenta, parłamienta, farmavańnie orhanaŭ ułady adpaviedna z demakratyčnymi pryncypami.

— Imkniemsia jak maha šyrej vykarystoŭvać tyja mahčymaści, jakija dajuć nam novyja technałohii. Nie ŭsio ŭdajecca apieratyŭna i jakasna. Siońnia zakančvajecca redyzajn sajtu www.milinkevich.org, na im płanujecca adkryćcio majho asabistaha błohu.

Pry maim niepasrednym udziele, u časy, kali pracavaŭ namieśnikam staršyni Haradzienskaha harvykankama, u Harodni raspačała pracu katalickaja sieminaryja, sumiesna z polskimi restaŭratarami nam udałosia stvaryć prajekt restaŭracyi pravasłaŭnaj Kałožy. Hety prajekt vyihraŭ konkurs UNESKO, ale hrošaj na restaŭracyju, na žal, nie dačakalisia, bo ŭłada ŭ Biełarusi źmianiłasia. Na pačatku 90-ch usie budynki chramaŭ u Harodni byli viernutyja viernikam, luteranam – kirchu, habrejam – sinahohu, pratestantam na pabudovu chramaŭ davali ziamlu. Pryčym ščyra davali lepšyja ziemli.

Pišycie mnie na [email protected]

— Na siońnia ŭłada pakul nie prademanstravała žadańnia demakratyzacyi. Na prapanovy dyałohu z boku Jeŭropy jana adkazała novymi chvalami represijaŭ suprać moładzi i pieratrusami ŭ arhanizacyjach. Rasijskaje ŭmiašańnie nie źjaŭlajecca čyńnikam demakratyzacyi. U Rasii chutka raźvivajucca aŭtarytarnyja tendencyi.

Ja vieru u biełaruski narod, u jaho prahu da hodnaha žyćcia. Niahledziačy na namahańni ŭłady zamarozić isnujučaje stanovišča, u hramadstvie adbyvajucca źmieny, jakija stvarajuć usie novyja vykliki dla režyma ŭ Biełarusi. Idzie internetyzacyja hramadstva – bolšaje koła ludziej, jakija majuć dostup da alternatyŭnaj infarmacyi. Sacyjolahi adznačajuć, što ŭ hramadskaj śviadomaści adbyłasia “rynkavaja revalucyja”: kala 60% biełarusaŭ addaje pieravahu rynkavaj ekanomicy. Imkliva raście razumieńnie nieabchodnaści raźvićcia pryvatnaha siektaru ekanomiki, nieabchodnaści stvareńnia spryjalnych umovaŭ dla pradprymalnickaj dziejnaści, tamu što heta aznačaje zarobki, novyja pracoŭnyja miescy, šyroki asartymient tavaraŭ, palapšeńnie inviestycyjnaha klimatu. Idei niezaležnaj ad ułady ekanamičnaj i sacyjalnaj aktyŭnaści atrymlivajuć ŭsio bolšuju padtrymku ŭ našym hramadstvie.

U vyniku stvarajecca situacyja, kali ŭłada vymušanaja iści za hramadstvam. Naprykład u pytańni niezaležnaści. Łukašenka staŭ vykazvacca ŭ padtrymku niezaležnaści paśla adpaviednych źmienaŭ u hramadskaj śviadomaści, kali maŭčać pa pytańni budučyni Biełarusi jak dziaržavy stała niemahčyma. Pakul u Łukašenki chapaje mocy i resursaŭ kantralavać situacyju, iści suprać płyni. Ale z kožnym razam hetych resursaŭ jamu patrabujecca ŭsio bolš.

Demakratyčnyja idei atrymlivajuć padtrymku va ŭsie bolšaj kolkaści biełaruskich hramadzianaŭ. Adbyvajucca naturalnyja źmieny ŭ składzie vybarcaŭ. Režym prajhraŭ moładź. A heta značyć, što jon nie maje budučyni. Źmieny adbuducca pry spałučeńni šerahu faktaraŭ, u tym liku pieraličanych Vami.

Vy nie paznačyli rehijon svajho pražyvańnia. Źviažyciesia z nami, prykładam, praz [email protected]. My skantaktujem Vas z ruchaŭskimi kaardynatarami.

1. Ja nie paźbiahaju adkazaŭ na pytańni. Maja pazicyja niepachisnaja. Pieršaje, narod jaki nie šanuje svaich prodkaŭ, svaju historyju, nie maje budučyni. Ja vystupaju za viartańnie našych nacyjanalnych histaryčnych dziaržaŭnych simvałaŭ: bieł-čyrvona-biełaha ściaha i hierba Pahonia. Pad hetym ściaham my idziem ciapier.

2. Biełaruskaja mova pavinna być adzinaj dziaržaŭnaj movaj. Viartańnie movy, kultury, historyi – vielmi važnyja dla isnavańnia narodu i dziaržavy. Pry hetym treba ŭličvać, što viartańnie movie značeńnia srodku kamunikacyi – dastatkova składanaje, “tonkaje” pytańnie. Jano nie vyrašajecca chutka, jaho nielha vyrašać administracyjnymi mietadami. Pry vyrašeńni hetaj prablemy nielha dapuścić źnižeńnia ŭzroŭnia techničnaj kultury, uzroŭnia adukacyi. Nielha dapuścić, kab u našych hramadzianaŭ, jakija razmaŭlajuć pa-rusku, źjaviłasia pačućcio, što jany – čužyja ŭ rodnaj krainie. Našaja meta – stvaryć umovy, pry jakich našyja hramadzianie, na jakoj movie jany by nie razmaŭlali, adčuvali siabie ŭtulna, adčuvali, što jany – nie materyjał dla roznych palityčnych ekśpierymientaŭ, a kaštoŭnaść, što ich pravy – abaronienyja.

3. Kanstytucyja 1996 h. zamacavała madel aŭtarytarnaj krainy. Kanstytucyja 1994 hoda prymałasia va ŭmovach siaredziny 90-ch hadoŭ, była svojeasablivaj reakcyjaj na toj čas. Minuła šmat hadoŭ, i siońnia jość nieabchodnaść udaskanalić sistemu dziaržaŭnych instytutaŭ. Kažučy prosta – Biełarusi patrebna novaja Kanstytucyja. Naturalna, ja nie liču refierendumy 1995, 1996, 2004 hh. zakonnymi i majučymi siłu. Hałasavaŭ suprać. Pierad druhim zyšoŭ z pracy ŭ harvykankamie.

- Palityka – dynamičnaja realnaść. Abranaja narodam ułada budzie abaviazana apieratyŭna reahavać na tyja prablemy, jakija ŭ toj čas buduć najbolš aktualnymi.

1. Na płoščy Kalinoŭskaha.

2. Praces stvareńnia ruchu “Za svabodu” nabiraje chutkaść. My zhubili šmat času šukajučy parazumieńnie z staršyniami šerahu partyjaŭ. Na siońniašni dzień struktury ruchu isnujuć u bolš jak 60 rehijonach Biełarusi. Abapirajemsia, biezumoŭna, na aktyvistaŭ demakratyčnych arhanizacyjaŭ, ale akcent robim na dałučeńnie novych ludziej.

3. Nie zhadžusia z Vami. Mahčyma pra zamiežnyja vizity viadoma bolš, tamu što jany znachodziacca ŭ centry ŭvahi ŚMI. Ale ad pačatku biahučaha hodu “u pajezdkach pa zamiežžach”, jak Vy kažacie, ja sumarna byŭ 6 dzion – Vilnia, Varšava, Brusel i Bierlin. Hałoŭnaja maja praca idzie tut - u Biełarusi. Nazavu pa pamiaci tolki Śvietłahorsk, Homiel, Dobruš, Kalinkavičy, Biaroza, Bieraście, Pinsk, Miadziel, Barysaŭ, Masty, Harodnia, Połacak, Hłybokaje, nieadnarazova Mahileŭščyna, Viciebščyna, Haradzienščyna. I heta nie poŭny pieralik haradoŭ. Što ž da zamiežnapalityčnaj dziejnaści, jana była i zastajecca važnym nakirunkam. Ja imknusia być tam, dzie dyskutujucca i prymajucca palityčnyja rašeńni adnosna Biełarusi. Chto moh prahnazavać dva hady tamu, što, prykładam, Niamieččyna, ci, navat, Francyja stanuć paśladoŭna i hučna zajaŭlać ab svajoj padtrymcy demakratyčnych pieramienaŭ u Biełarusi?!

— Łukašenku nieabchodna budzie zrabić šmat krokaŭ, kab śviet ubačyŭ u im partniera dla dyjałohu. Siońnia ad jaho patrabujecca samaje prostaje: vyzvalić palitźniavolenych, spynić represii, zabiaśpiečyć umovy dla dziejnaści niezaležnych ŚMI. I hetak dalej. Ja zrabiŭ prapanovu Łukašenku - pry peŭnych ruchach ź jahonaha boku ŭ kirunku demakratyzacyi krainy, ja vystuplu ŭ roli pasiarednika ŭ dyjałohu aficyjnaha Miensku i abjadnanaj Jeŭropy. Va ŭmovach isnujučaj pahrozy suvierenitetu i niezaležnaści Biełarusi, ja ŭziaŭ na siabie adkaznaść za hety krok. Łukašenka zahnany ŭ kut, bo strašenna baicca iści nasustrač apazicyi, a iści nasustrač Rasii jon nie moža, bo nie choča pieraŭtvarycca ŭ jaje maryjanietku. Jon maje tolki dva vybary, i ja prapanoŭvaju jamu zrabić vybar na karyść dyjałohu, što dla mianie aznačaje, na karyść Biełarusi. Jon pavinien uśviedamlać, što biez vykanańnia ŭmovaŭ, biez udziełu demakratyčnych siłaŭ, supracoŭnictva ź Jeŭropaj nie budzie. Heta aksioma. Inačaj, zaŭsiody budzie zachoŭvacca pahroza viartańnia nazad.

— Našaja kraina i sapraŭdy šmat u čym maje saviecki anturaž. U značnaj stupieni, hetaje pytańnie pavinny vyrašać žychary adpaviednych haradoŭ. Ja, prykładam, nie baču ničoha kiepskaha ŭ histaryčnaj naźvie Prapojsk, ale jak da viartańnia histaryčnaj nazvy pastaviacca žychary słaŭnaha Słaŭharada? My nie možam iści šlacham Łukašenki, jaki nie pytajučy žycharoŭ, źmianiaje nazvy vulic na svoj kapył.

— Rychtujcie sustreču.

1. Pra reakcyju Łukašenki na moj list da jaho Vy možacie mierkavać na padstavie dziejańniaŭ ułady 25 sakavika. Kažučy pra staršyniu PASIE, Vy, peŭna majecie na ŭvazie, majo zaprašeńnie ŭziać udzieł u Miensku ŭ śviatkavańniach 25 sakavika. Staršyni PASIE na hetych mierapryjemstvach nie budzie, za toje płanujuć pryjechać šerah inšych jeŭrapiejskich palitykaŭ.

2. Rezka niehatyŭna. Meta ŭłady – abmiežavać hramadski ŭpłyŭ zorak biełaruskaj litaratury, jakija ćviorda vystupajuć za demakratyju. A taksama imknieńnie ŭbić u śviadomaść ludziej, u pieršuju čarhu, moładzi stereatyp, što biełaruskaja litaratura kvołaja i abmiežavanaja. Usio heta idzie ŭ rečyščy amal 13ci hadovaj palityki vyniščeńnia ŭsiaho nacyjanalnaha.

3. Źbirajcie vakoł siabie adnadumcaŭ. Nie čakajcie ad kahości sihnałaŭ da dziejańnia. Skantaktujciesia z nami.

- Ja, jak i raniej, pracuju ŭ Fondzie spryjańnia łakalnamu raźvićciu.

— Ja — za Kanhres z maksimalna šyrokim pradstaŭnictvam usich subjektaŭ demakratyčnaha ruchu. Staršyni AHP i PKB chočuć pravieści schod pradstaŭnikoŭ partyj. Pry hetym, ideja praviadzieńnia hetaha schodu nie maje padtrymki siarod niemałoj častki toj ža AHP. Što tyčycca asabistych razmovaŭ ź Siarhiejem Kalakinym i Anatolem Labiedźkam, dyk jany viaducca. Ale ŭ pytańni Kanhresa maja pazicyja niepachisnaja: vuzkapartyjny schod – heta nie Kanhres demakratyčnych siłaŭ. Jon pavinien pradstaŭlać usiu demakratyčnuju častku hramadstva, kožny delehat kanhresa pavinien być sapraŭdy pradstaŭnikom abjadnanych demakratyčnych siłaŭ, być abranym zhodna z demakratyčnymi pracedurami, na Kanhresie pavinna być zaćvierdžana, papiarednie sfarmulavanaja, uzhodnienaja ŭsimi subjektami Palitrady, ahulnaja idejnaja płatforma demakratyčnych sił Biełarusi. Kanhres pavinien kansalidavać, a nie raźjadnoŭvać.

— Arhkamitet maje niekalki scenaroŭ praviadzieńnia akcyi. Vybar ich zaležyć i ad taho, jakimi buduć pavodziny ŭłady.

— Nelečka, pryvitańnie, soniejka! Dziakuj! Ja aptymist, pryčym infarmavany:)

— Rasija – naš susied. My zacikaŭlenyja ŭ raźvićci adnosinaŭ, u supracoŭnictvie na padstavie našych, biełaruskich intaresaŭ. Naftahazavy kanflikt vyjaviŭ, što pavialičvajecca zaležnaść ekanomiki Biełarusi ad mahčymaściaŭ ekspartavać pradukty naftapieraapracoŭki. Isnuje pahroza pieraŭtvareńnia ekanomiki Biełarusi u prydatak, satelit rasijskaj ekanomiki, u jakoj pavialičvacca dola syravinnaha sektaru.

— Nie treba čakać, treba ŭsimi siłami rychtavać pieramieny, ale nazvać kankretnuju datu nichto nie moža

— Padziei minułaha hodu, kali nam udałosia dapamahčy ŭsim studentam, jakija byli vyklučanyja z VNU i źviarnulisia pa dapamohu, aktyvistam vyhnanym z pracy, tym, chto paškodziŭ zdaroŭje na sutkach, śviedčać pra toje, što sistema dapamohi represavanym pracuje. I heta ŭpieršyniu. Hetym zajmajecca kamitet abarony represavanych Ruchu Za svabodu

187 studentaŭ byli vyklučanyja z VNU za ŭdzieł u masavych akcyjach demakratyčnych sił. 239 pajechali navučacca pa prahramie Kalinoŭskaha. Ličby roźniacca tamu, što ŭdzieł u prahramie Kalinoŭskaha biaruć nie tolki vyklučanyja studenty, ale i represavanyja školniki starejšych kłasaŭ, i abituryjenty ź siemjaŭ, členy jakich padźvierhlisia represijam.

Padzieł chutčej prabiełaruski i prarasiejski pa hieapalityčnamu vybaru, a nie pa finansavych patokach.

Na siońnia siabry Ruchu dziejničajuć u bolš jak 60 rehijonach Biełarusi.

Asabista zaprašaju Vas i Vašych siabroŭ 25 sakavika a 12.00 na płošču Kalinoŭskaha

Ja byŭ nie zhodny z rychtujemym u 1996 hodzie refierendumam i napisaŭ zajavu ab zychodzie z pasady.

Padrychtoŭka prafiesijnych adkazaŭ na pytańni vybarcaŭ, prajektaŭ reform – nieabchodnaja praca. Z prajektam “Małoj Kanstytucyi” jašče paznajomicca nie daviałosia. Jość padstavy spadziavacca, što heta budzie dobry produkt. U składzie aŭtaraŭ hetaha dakumentu – šerah vysokakvalifikavanych jurystaŭ, ułučajučy byłych sudździaŭ Kanstytucyjnaha Suda.

Što ža tyčycca “Ekanamičnaj płatformy abjadnanych demakratyčnych sił na pierachodny pieryjad (da troch hadoŭ)”, jakuju padrychtavaŭ “Nacyjanalny kamitet”, dyk na žal, jość padstavy kazać, što nazva nie adpaviadaje źmiestu. Sukupnaść dekłaracyjaŭ, dobrych namieraŭ na čatyroch staronkach, biez adkazu, naprykład, na pytańni, adkul i na jakich umovach buduć pryciahnutyja zamiežnyja inviestycyi, nieabchodnyja dla madernizacyi vytvorčaści i h.d. Ja nie baču vialikaj roźnicy pamiž hetym praduktam i, naprykład, prahramaj “Piać krokaŭ da lepšaha žyćcia” aŭtarstva 2004 h.

Siońnia pytańnie stvareńnia “cieniavoha ŭradu” apazicyi nie staić na paradku dnia. Abmiarkoŭvać jaho budzie mahčyma tolki tady, kali ŭsie subjekty deakratyčnych sił buduć mieć supolnuju pazicyju nie tolki ŭ pytańni “suprać Łukašenki”, ale chacia b i pa asnoŭnych viektarach raźvićcia Biełarusi.
25 sakavika a 12.00 ja budu na płoščy Kalinoŭskaha.
Ci možna štości paraić ludziam, jakija nikomu nie daviarajuć? Dziejničajcie samastojna, pakazvajcie prykład, tady nie budzie času narakać.
Struktury Ruchu dziejničajuć u mnohich rehijonach krainy. My abmiarkoŭvajem mahčymaść padačy dakumientaŭ dla dziaržaŭnaj rehistracyi Ruchu.

— Supolnaja historyja našych dziaržavaŭ spryjaje vydatnym stasunkaŭ va ŭsich halinach. Dumaju, nie mahčyma paviarnuć historyju, dy j nie varta hetaha rabić. Siońnia svojeasablivaj Rečču Paspalitaj źjaŭlajecca Jeŭrasajuz, tudy my pavinny imknucca

— Šeście dla takoha śviata, masavaje, pa centry horada, maje vialikaje značeńnie dla demanstracyi našaj voli, niepachisnaści, demanstracyi kaštoŭnaściaŭ, za jakija my zmahajemsia

Pytańnie nie da mianie. Jaho varta skiravać da pravaabaroncaŭ i pravaabarončych arhanizacyj. Nakolki viedaju, manitorynh parušeńniaŭ, palityčnaha pieraśledu viadziecca aktyŭna i ŭ poŭnym abjomie šeraham arhanizacyjaŭ.

Nie znajomy z hetym vykazvańniem Piatra Kraŭčanka. Prablema ŭ tym, što ŭ nas vielmi šmat “hienierałaŭ” i nie chapaje ludziej, jakija ŭmiejuć i robiać kankretnuju pracu.

Sprava ž nie ŭ Milinkievičy, a ŭ našym z vami imknieńni “ludźmi zvacca”, hodna žyć u svajej krainie. Miesca taho, chto klikaje da svabody nie budzie zastavacca pustym.

1. Vy majecie racyju, realnaj kaalicyi nie isnuje. Subjekty kaalicyi abjadnanyja tolki ŭ pytańni “suprać” Łukašenki. Majuć supiarečnaści ŭ pohladach na minułaje, sučasnaść, budučyniu. Vykarystoŭvajučy Ruch my možam sfarmavać idejnuju płatformu, zrazumiełuju i blizkuju ludziam: svabodnyja vybary, niezaležnaść, demakratyja, intehracyja ŭ ES. Razam z tym stvareńnie Ruchu nie aznačaje razbureńnie partyjaŭ. Partyi atrymajuć mahčymaści stać bolš papularnymi, kali dałučacca da ahulnaj dziejnaści dziela hetych kaštoŭnaściaŭ.
2. Ruch źjaŭlajecca instrumentam stałaj pracy z vybarcami. Palitołahi słušna kažuć, što de-fakta vybarčaja kampanija pačynajecca ŭ momant, kali abvieščany vyniki vybaraŭ. Raniej apazicyja “abudžałasia” pierad samymi vybarami, zhubiŭšy samy važny palityčny resurs – čas. My rujnujem hetuju schiemu.
3. “Kalinoŭcy” źjaŭlajucca prykładam addanaści Biełarusi. Ja ŭpeŭnieny, što nadyjdzie čas, kali ich viedy, jeŭrapiejskaja adukacyja buduć zapatrabavanyja ŭ Biełarusi. Uvohule, za pieramieny najbolš rašuča vystupajuć mienavita najbolš adukavanyja pradstaŭniki našaj moładzi, lidery dumak u moładzievym asiarodku. Ahladajučy hod paśla vybaraŭ, bačna, što my nie zrabili šmat taho, što byli abaviazany zrabić. Ale toje, što my ŭpieršyniu abaranili intaresy, prava na prafesiju, budučyniu našych studentaŭ, jakija vyjšli na płošču – heta značnaje dasiahnieńnie.

Hety brend prydumali arhanizatary mabilizacyjnaj kampanii padčas prezidenckich vybaraŭ. 25 sakavika ja abvieściŭ pra stvareńnie šyrokaha hramadzianskaha Ruchu z nazvaj “Za svabodu”. Heta čuli dziesiatki tysiač ludziej. My karystajemsia brendam Ruchu “Za Svabodu”, ale jak Vy viedajecie isnuje jašče brend kampanii “Za svabodu” – papularnyja ŭ hramadstvie “krylcy”.

— Hramadstva šyroka prainfarmavana, usie chto chacieŭ pačuć – pačuŭ. Vyjduć tyja, chto adčuŭ adkaznaść za los Biełarusi.

Niama ničoha zahannaha ŭ tym, što palityk stanovicca samadastatkovym. Ideja vyłučyć mianie naradziłasia siarod rehijanalnych aktyvistaŭ i moładzievych NGO. Pieršymi vyłučyli “zialenyja”, potym majo vyłučeńnie padtrymali PBNF, MF, partyja Statkieviča i inšyja. Lideram mianie zrabili tysiačy i tysiačy ludziej. Za padtrymku ŭdziačny ŭsim.

— Našyja pomniki my pavinny baranić sami. Davajcie arhanizujem akcyi abarony, ja hatovy ŭ ich udzielničać. Biezumoŭna, varta dałučać i mižnarodnuju hramadskaść. Skantaktujciesia z nami

Heta častka Biełarusi, dzie mienš vynikaŭ savietyzacyi i denacyjanalizacyi. Tut bolšaja hramadziaskaja aktyŭnaść, infarmavanaść. Heta, biezumoŭna, nakładaje na žycharoŭ Zachodniaj Biełarusi vialikuju adkaznaść za ŭsiu krainu ŭ baraćbie za adradžeńnie i niezaležnaść.

Ja ŭ kantakcie z aktyvistami abarony ŭ Harodni i Miensku. Źviarnuŭsia z zvarotam u UNESKO, dzie apisaŭ abstaviny źniščeńnia staroj Harodni. Hatovy da bolšaj aktyŭnaj dziejnaści. Viedaju, što napačatku, aktyvisty pałochalisia palityzacyi spravy, ale siońnia, spadziavacca na rozum miascovych uładaŭ užo niama šansaŭ.

Davajcie sustreniemsia i abmiarkujem.

— Biezumoŭna, Farny kaścioł. Unikalny pomnik biełaruskaha baroka. I Kałoža – ad jaje amal 900 hadovych muroŭ adčuvaju dziŭnuju moc.

U kožnaha palityka svoj styl, svaja maniera pavodzinaŭ. Intelihientny palityk jeŭrapiejskaha płana – pa-mojmu heta vielmi dobra!

- Ajaks uzoru 70-ch hadoŭ. Z sučasnych - Barsiełona

Našyja draniki, uźbiecki płoŭ. Płoŭ hatuju sam i kłasna, praŭda apošni raz rabiŭ jaho ŭ Bierštach hady dva tamu

aptymistyčny i bajavy.
Skantaktujciesia z nami

dziakuj za padtrymku, dałučajciesia

Ja nie maju KHBfobii. Va ŭsich dyktaturach śpiecsłužby zajmalisia raskołam prademakratyčnych sił. Ale i na nas lažyć vializnaja adkaznaść. Kali mianie pravakujuć, ja pavinien viedać, što nie maju prava paddacca na pravakacyi. Jak pakazvaje praktyka, bolš za ŭsio razburajuć tyja, chto samyja nie zdolnyja arhanizavać dziejnaść.

Ja asabista dasłaŭ listy 30 rektaram z papiaredžańniem ab tym, što my viadziem manitorynh pieraśledu studentaŭ pa palityčnych matyvach. Heta parušaje Kanstytucyju i nie maje terminu daŭniny. Prosim Vas i Vašych kaleh dasyłać nam kankretnyja fakty padobnych dziejańniaŭ supracoŭnikaŭ VNU.

Onłajn-kanferencyja skončana. Alaksandar Milinkievič dziakuje ŭsim za dasłanyja pytańni.