jak Vy dumajecie, ci ŭsie spartoŭcy prymajuć dopinh?
U Łensa Armstronha zabirajuć tytuły, u Biełarusi čempijonaŭ jašče nikoli nie vykryvali
Znakamitaha ravarysta dyskvalifikujuć pažyćciova.
U jaho zabirajuć siem tytułaŭ pieramožcy viełahonki «Tur de Frans» u suviazi z abvinavačvańniami Amierykanskaha antydopinhavaha ahienctva (USADA) va ŭžyvańni dopinhu, paviedamlaje Associated Press.
USADA abvinavaciła siamirazovaha pieramožcu «Tur de Frans» u parušeńni cełaha šerahu antydopinhavych praviłaŭ:jon užyvaŭ zabaronienyja preparaty i dzialiŭsia dopinham ź inšymi spartoŭcami. Z červienia amierykaniec u sudzie sprabavaŭ dakazać svaju nievinavataść, adnak prysud pa jahonaj spravie adkładaŭsia, i ŭ vyniku Armstronh vyrašyŭ spynić baraćbu.
Cikava, što za Armstronha ŭziałosia nacyjanalnaje antydopinhavaje ahienctva ZŠA. U hetym kantekście źviartaje ŭvahu, što ŭ našaj krainie nacyjanalnaje antydopinhavaje ahienctva nikoli nie čaplała ŭłasnych čempijonaŭ.
Naadvarot, u Biełarusi razhortvalisia miedyjakampanii ŭ abaronu Cichana, Dzieviatoŭskaha, Astapčuk da inšych čempijonaŭ, jakich łavili na dopinhu mižnarodnyja struktury.Dzieviatoŭski navat robić palityčnuju karjeru: jon idzie ŭ pałatu pradstaŭnikoŭ ad łukašenkaŭcaŭ. U Amierycy takoje ciažka ŭjavić u dačynieńni da čałavieka, jaki złavili na padmanie.
41-hadovy Armstronh zajmaŭ asablivaje miesca na spartovym pjedestale Amieryki, bo jon byŭ adzinym čempijonam, jaki viarnuŭsia ŭ vialiki sport, pieramohšy ciažkuju chvarobu — rak.
Kamientary