Na Minskim mory płanujuć adkryć novuju zonu adpačynku — art-park «Port», jaki raźmieścicca pobač z sanatoryjem «Prymorski». U testavym režymie jon pačnie pracavać z 5 červienia, a aficyjnaje adkryćcio zapłanavana na 12—14 červienia, piša Office Life.
Heta budzie zakrytaja terytoryja z roznymi zonami dla adpačynku: vialikimi łaŭnž-prastorami, dziciačymi i spartyŭnymi placoŭkami, fotazonami i art-abjektami. Taksama tam abiacajuć plaž i navat kinapakazy.
Dla naviedvalnikaŭ płanujecca prakat šezłonhaŭ, parasonaŭ, rovaraŭ, sapbordaŭ, katamaranaŭ, łodak i jachtaŭ. Možna budzie arandavać altanki abo spartyŭnyja placoŭki, a taksama karystacca krytym basiejnam.
Asobna adznačajecca fudkort, jaki jašče farmirujecca, ale ŭžo viadoma, što tam buduć pracavać roznyja strytfud-prajekty, siarod ich «Ružovaja Pantera», Bulba Frites, WOW Waffles, Comida Mexicana, Thai Point i inšyja.
Kamientary