Śpievaka Jakava Navumienku zabili ŭ Krymie
Narodny artyst Biełarusi pamior siońnia nočču ŭ Sievastopali.
Jakavu Navumienku prałamili čerap ŭ centry Sievastopala 19 žniŭnia. Roŭna praz tydzień jon pamior u haradskim špitali № 1.
Pieršapačatkova ŭ internecie razyšłasia infarmacyja: «Padčas adnaho z kancertaŭ Jakaŭ Navumienka razam z synam chacieŭ patrapić za kulisy sceny, maŭlaŭ, vystupaŭ jaho dobry znajomy. A achoŭnik pačaŭ pieraškadžać našamu artystu. U vyniku zaviazałasia bojka. Jakavu Navumienku prałamali čerap, a jaho synu Cichanu złamali skivicu…»
Vysokapastaŭlenaja słužbovaja asoba ź Sievastopalskaj haradskoj dziaržaŭnaj administracyi vykłała Jeŭraradyjo svaju viersiju trahiedyi na ananimnych umovach:
«Vaš Narodny artyst hulaŭ razam z kampanijaj pa Prymorskim bulvary, niepadalok ad Płoščy Nachimava. Viedaju pra heta ad znajomaha ź milicyi. Čamuści jon pačaŭ na słovach spračacca z vuličnym skrypačom, toj hruba adkazaŭ. Na bok skrypača stali miascovyja. Nibyta žorstkaj bojki nie było, tolki šturchanina.
Ale tak zdaryłasia, što artyst pavaliŭsia i stuknuŭsia hałavoj ab bardziur…»
Sievastopalskaja milicyja taksama kateharyčna abviarhaje infarmacyju pra kancert i
«Kanflikt zdaryŭsia
U hety viečar tam nie było nijakaha kancerta, nie było nijakaha achoŭnika. Heta prosta vialikaja płošča ŭ centry horada.Pobač — Hrafskaja prystań, Prymorski bulvar, vialikaja kolkaść ludziej. Prosta zdaryŭsia kanflikt pamiž artystam i niavyznačanaj asobaj», dadaje Jeŭraradyjo.
***
Dyrektar AHA «Muzyčny pradziusarski centr» Andrej Kalina daviedaŭsia pra śmierć śpievaka za hadzinu da taho, jak źjavilisia pieršyja paviedamleńni ŚMI:.
«Ja siońnia pieršy dzień jak vyjšaŭ z adpačynku, i adrazu takaja navina. — kaža spadar Kalina. — Ja viedaŭ, što Jakaŭ Paŭłavič adpačyvaje ŭ Sievastopali. Jon musiŭ vystupać na kancercie 31 žniŭnia, mnie na dniach patelefanavała jahonaja žonka Ała, i skazała, što jon nie zmoža vystupić, bo znachodzicca ŭ špitali. Ja prasiŭ pieradać pryvitańnie i pažadańni jak maha chutčej papraŭlacca, adnak jana mnie skazała, što Jakaŭ u komie».
Padrabiaznaściaŭ incydentu na kancercie pakul nichto nie viedaje.
«Dakładna skažu, što sam Jakaŭ Paŭłavič na tym kancercie nie vystupaŭ. — kaža Andrej Kalina.— Jon ubačyŭ na scenie svajho adnakašnika, i vyrašyŭ prajści za kulisy. Sam Jakaŭ vučyŭsia ŭ Hniesincy, tamu sustreć adnakurśnika za miažoj było nieskładana. Mnie zdajecca, što Jakaŭ Paŭłavič, dla jakoha prajści za kulisy ŭ Biełarusi nie prablema, prosta nie raźličyŭ, što ŭ susiedniaj krainie praviły mohuć być inšyja. U lubym razie, ja liču, što miery biaśpieki z boku achovy byli niedapuščalna pieravyšanyja».
* * *
Jakaŭ Paŭłavič Navumienka — viadomy biełaruski śpiavak. Naradziŭsia 28 sakavika 1959 hoda ŭ Oršy.
Vučyŭsia ŭ minskaj kansiervatoryi, Rasijskaj akademii muzyki imia Hniesinych, dzie jaho nastaŭnikami byli Iosif Kabzon, Leŭ Leščanka, Hielena Vielikanava. Jaho pieśni śpiavali takija viadomyja kalektyvy, jak ansambli narodnaj muzyki «Śviata» i «Biasieda».
U 2011 h. Navumienka atrymaŭ zvańnie narodnaha artysta Biełarusi. Vystupaŭ solna i ŭ składzie Nacyjanalnaha akademičnaha narodnaha arkiestra imia Žynoviča.
U Sievastopali žyła jaho siastra, tut jon z 1976 pa 1977 h. vučyŭsia ŭ Pryborabudaŭničym instytucie.
«Tady prafiesija inžyniera była modnaj. Vučyŭsia amal na vydatna, ale svoječasova zrazumieŭ: nie majo.I čužoje miesca nie chaciełasia zajmać. Zabraŭ dakumienty i nakiravaŭsia ź imi ŭ vajenkamat — zabirajcie. A tam skazali — tolki fłot, ale, praŭda, u Sievastopali», — zhadvaŭ jon.
«U nas z žonkaj Ałaj, jakaja pracavała muzyčnym redaktaram na telebačańni, było vielmi nasyčanaje žyćcio, i prosta zachaciełasia spakoju. Spačatku źjaviłasia pad Žodzinam dača, potym kupili tam ža kvateru,
a paśla ŭsio heta pradali i pabudavali niedaloka dom, u im i žyviem amal dva hady. Razvodzim kvietki. I radujemsia kamunikacyi z unukami— ich nam ciapier pryviezła dačka Vieranika: biełaruskija telehledačy pavinny pamiatać jaje pa prahramie „Aksamitny siezon“. Jana z mužam pracuje ŭ Lijonie na Euronews. A naš syn Cichan pierajšoŭ na čaćviorty kurs Instytuta žurnalistyki», — zhadvaŭ Navumienka ŭ intervju hod tamu.
A apošniaj spravaj śpievaka staŭ zbor i pieranos na sučasnyja nośbity biełaruskamoŭnych piesień
-
Fatahrafii hetaj słanimčanki vystaŭlajucca pa ŭsim śviecie — praź ich jana raskazvaje i pra dyktaturu ŭ Biełarusi FOTY
-
Voś videazapis fiestyvalu «Vieršy na asfalcie», dzie Niaklajeŭ pračytaŭ svoj vierš «Na imianiny śviatoha Valancina»
-
Aktrysa Kupałaŭskaha pryznałasia, što teatr tak i nie zmoh adyści paśla 2020 hoda
Kamientary