Juryj Sivakoŭ pra źniknieńnie biełaruskich palitykaŭ: Maja vina ŭ hetym była, jość i budzie
Były ministr unutranych spraŭ zrabiŭ niečakanaje pryznańnie.
U siońniašnim Priessbole apublikavana vialikaje intervju z byłym ministram sportu i ŭnutranych spraŭ, a siońnia prarektaram Minskaha instytuta ŭpraŭleńnia Juryjem Sivakovym.
— U čym vas bolš za ŭsio zvyčajna paprakajuć? — pacikaviŭsia, u tym liku, žurnalist Siarhiej Ščurko.
— Napeŭna, luby čałaviek zdarovaha sensu, jaki sa mnoj nikoli nie sustrakaŭsia, a viedaje pra Sivakova tolki pa čutkach, źviazvaje hetaje proźvišča sa źnikłymi palitykami. Nu što ž… Ja za heta adkazvaju, maja vina ŭ hetym była, jość i budzie.
Nahadajem, što ŭ 1999 h. bieź źviestak źnikli palityki Juryj Zacharanka, Viktar Hančar i biznesoviec Anatol Krasoŭski, u 2002 h. žurnalist Dźmitryj Zavadski. Tady zajaŭlałasia, što dačynieńnie da hetaha maje vyšejšaje kiraŭnictva krainy.
Nazyvałasia siarod inšaha i imia Juryja Sivakova, jakomu paźniej ES zabaraniŭ ujezd u krainy Jeŭropy, mienavita za datyčnaść da źniknieńnia Zacharanki i Hančara.
Kamientary