Jermakova: Treba hrošy dla spłaty daŭhoŭ. Pradamo jeŭrabondy navat pad 7,5%
«Darahija hrošy my brać nie budziem. U nas uTamu kali2013-m jość prablemy ŭ tym, što treba vialikija sumy pahašać.
«Choć by 7,5%», — ŭstanaviła jana prymalny dla Biełarusi maksimalny ŭzrovień prybytkovaści.
Jak paviedamlałasia, Biełaruś šukaje mahčymaści raźmiaščeńnia jeŭrabondaŭ abjomam 500–600 młn dalaraŭ na rynkach
7,5% — heta mnoha ci mała? Da prykładu, Niamieččyna raźmiaščaje ablihacyi, pazyčaje hrošy pad 2–2,5%, Polšča — pad 3,5–4%, Litva — pad 4–4,5%.
Prybytkovaść 7,5% — heta pracent, pad jaki zajmała hrošy Hrecyja napiaredadni svajho kryzisu, uviesnu 2010 hoda. Heta vialiki, niavyhadny pracent. Vidać, Jermakova nievysoka aceńvaje šancy Biełarusi atrymać novy kredyt ad Mižnarodnaha valutnaha fondu i nie čakaje značnych nadychodžańniaŭ ad pryvatyzacyi, raz ahučvaje takija vysokija staŭki.
Praŭda, u 2010 hodzie Biełaruś pazyčała praź jeŭrabondy pa jašče vyšejšych staŭkach, až pad 8,25–8,75%. Tady krainie patrabavalisia hrošy dla pieradvybarnych trataŭ. Ale ŭ paraŭnańni z 2010 hodam ciapier finansavaja statystyka krainy lepšaja, a zołatavalutnyja reziervy vyraśli ŭ vyniku prodažu «Biełtranshaza».
U 2010 hodzie arhanizatarami vypusku jeŭraablihacyj Biełarusi vystupali francuzski BNP Paribas, niamiecki Deutsche Bank, brytanski The Royal Bank of Scotland i «Śbierbank» z Rasii. Paśla padziej śniežnia 2010 hoda i ŭviadzieńnia jeŭrapiejskich sankcyj jeŭrapiejskija banki adraklisia supracoŭnictva ź biełaruskim uradam.
U časie debiutnaha raźmiaščeńnia jeŭrabondaŭ na 600 młn dołaraŭ terminam na piać hadoŭ ministr finansaŭ Andrej Charkaviec kazaŭ: «Kupon 8,75% adpaviadaje acency ŭsiaho rynku. I važna razumieć, što tut nie my dyktujem umovy, a inviestary», — padkreśliŭ jon.
Jeŭrabondy (jeŭraablihacyi) — heta vid doŭhaterminovych kaštoŭnych papier. Asnoŭnyja ich kupcy — instytucyjnyja inviestary: strachavyja i piensijnyja fondy, inviestycyjnyja kampanii.
U 2013 hodzie Biełarusi naležyć spłacić nie mienš za 3 młrd dalaraŭ pa raniejšych pazykach. Takija ž vysokija zamiežnyja zabaviazańni prypadajuć taksama na 2014 i 2015 hady.
Kamientary