Hałoŭnuju premiju atrymała rasiejskaja stužka Viery Storažavaj «Vandroŭka z chatnimi žyviołami»
30 červienia zavieršyŭsia 29 Maskoŭski Mižnarodny kinafestyval, jaki praciahvaŭsia 10 dzion. Na feście rej viali postsaviecki temy.
Pryz “Perspektyvy” atrymała łatvijskaja stužka “Manatonnaść” Jurysa Poksusa pra dziaŭčynku, jakaja pryjechała ŭ Ryhu stać aktrysaj.
Najlepšaja žanočaja rola ŭ vuhorskaj aktrysy Kirści Štuba za stužku “Opijum”.
Najlepšaja mužčynskaja rola – Fabrys Łučyni, film “Maljer”.
Admysłovy pryz žury atrymała hruzinskaja karcina Aleka Cabadze “Ruski trochkutnik”. Nastaŭnik ruskaje movy ŭ Čačni pomścić zabojcam i znuščajecca z federalnych žaŭnieraŭ, vykołvajučy im vočy. Adyli ŭ Maskvie ślapy kiler pačynaje pomścić kaŭkazcam.
Najlepšym režyseram pryznany italjaniec Džuzepe Tarnatore. Hierainia jahonaje “Nieznajomki” – ŭkrainka, jakaja stałasia achviaroju handlaroŭ žyvym tavaram.
Hałoŭny pryz festu, “Załaty Hieorhi”, uručany karcinie Viery Storažavaj “Vandroŭka z chatnimi žyviołami”. Paśla śmierci muža ŭ hieraini stužki nie zastałosia nikoha, akramia chatnich žyviołaŭ.
A polski aktor Daniel Albrychski pad “Palanez Ahinskaha” atrymaŭ pryz “Za pakareńnie viaršyniaŭ aktorskaha majsterstva i viernaść pryncypam škoły K.S.Stanisłaŭskaha”.
Ciapier čytajuć
Viadučy STB Raman Pratasievič pabraŭsia šlubam trecim razam51
Viadučy STB Raman Pratasievič pabraŭsia šlubam trecim razam
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu44
Kamientary