Расейская мова «лайт»: ва ўрадзе вырашылі, што мігрантам трэба ведаць 850 слоў
Працоўныя мігранты павінны ведаць як мінімум 850 расейскіх слоў — такія патрабаванні да базавага ўзроўню валодання расейскай мовай, тэкст законапраекта размешчаны ў сераду на сайце Міністэрства адукацыі і навукі Расіі.
Зараз можна паўдзельнічаць у стварэнні прававога акта, накіраваўшы Мінадукацыі свае прапановы і заўвагі па электроннай пошце.
Замежнікі, згодна з дакументам, павінны ўмець чытаць тэкст, вызначаць яго тэму і агульны сэнс, а таксама разумець на слых асноўную інфармацыю з дыялогаў
Пры гэтым, зыходзячы з лінгвістычных нормаў, лексічны мінімум каля 800 слоў лічыцца дастатковым для элементарнага ўзроўню валодання расейскай мовай як замежнай. 500 слоў лічацца дастатковымі для пабудовы элементарнага выказвання з 6–7 фразаў і ўдзелу ў дыялогу з 5–6 рэплік. Базавы лексічны мінімум расейскай мовы налічвае 1300 слоў, мінімум у 3000 слоў дазваляе разумець да 95% любога тэксту.
У іншым праекце загаду «Аб арганізацыі тэставання па расейскай мове як замежнай», таксама размешчанай на сайце міністэрства, вызначаюцца правілы правядзення тэставання і адборы ВНУ, на базе якіх будуць экзаменаваць мігрантаў. Універсітэты павінны мець адмысловыя цэнтры тэставання з досведам работы ў гэтай галіне не менш за дзесяць гадоў.
Цяпер чытаюць
Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах13
Каментары