Лукашэнка нагадаў Расіі, што Смаленшчына і Пскоўшчына «належалі Беларусі»
«Я не веру ў тое, што Расея хоча яшчэ адхапіць Усходнюю Украіну, хоць некаторым гэта здаецца рэальным, тым больш што ў Украіны няма практычна моцнай арміі», — заявіў Аляксандр Лукашэнка 17 кастрычніка на прэс-канферэнцыі для расійскіх рэгіянальных СМІ.
У цэлым падзеі ва Украіне Лукашэнка гаварыў амаль гадзіну.
Лукашэнка адзначыў, што нянавісць да Расіі ва Украіне пачала накаплівацца пасля таго, як Расія пачала накручваць цэны на газ.
Ён асудзіў парушэнне тэрытарыяльнай цэласнасці Украіны насуперак Будапешцкаму мемарандуму.
«Недапушчальна, калі нейкая дзяржава парушае тую тэрытарыяльную цэласнасць, якая была гарантаваная, і адымае частку тэрыторыі ў той ці іншай дзяржавы. Таму калі ўчыстую казаць, што нейкая дзяржава адняла частку тэрыторыі ў іншай дзяржавы, гэта няправільна».
Ён таксама заклікаў бакі канфлікту спыніць ваенныя дзеянні.
Аляксандр Лукашэнка ўсклаў віну за падзеі ва Украіне на Віктара Януковіча. «Пры Віктару Фёдаравічу Януковічу была створана такая сістэма кіравання краінай… Не хацелася б яе характарызаваць, але тое, што я ведаю, такая сістэма пабораў, хабараў і карупцыі, якая была проста нясцерпная для народу», — заявіў Аляксандр Лукашэнка.
Ён таксама падкрэсліў, што лічыць абсурдам развагі некаторых палітыкаў аб тым, што Расія можа паспрабаваць захапіць і частку тэрыторыі Беларусі. «І не думайце, што я тут баюся, як некаторыя ў Расіі! Асабліва ў нас, апазіцыя, нацмены нашы, нацыяналісты мяне палохаюць: сёння Украіна, заўтра Беларусь, а паслязаўтра Казахстан, ці наадварот. Я не дапускаю, каб Беларусь там у нейкай чарговасці стала чарговай дзяржавай, у якой Расія з нейкіх прычынаў забярэ частку тэрыторыі ці ўсю Беларусь», — сказаў Лукашэнка.
«Я кажу, Уладзімір Уладзіміравіч, вы не перажывайце. Гэта вы, кажу, павінны напрагацца. Частка смаленскіх, бранскіх або пскоўскіх зямель некалі належалі Беларусі, таму давядзецца падзяліцца», — жартаўліва расказаў Лукашэнка.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары