У панядзелак, 9 лютага, у кнігарні Ў адбудзецца першая публічная прэзентацыя трэцяга, выпраўленага і дапрацаванага выдання «Расійска-беларускага слоўніка» Сцяпана Некрашэвіча і Міколы Байкова з удзелам мовазнаўца Сяргея Запрудскага і выдаўца Валера Булгакава.
Слоўнік перавыдадзены на высокім паліграфічным узроўні ў самым канцы 2014 года. Гэтым разам ён займеў цвёрдую вокладку.
Першае выданне «Расійска-беларускага слоўніка» Сцяпана Некрашэвіча і Міколы Байкова выйшла ў свет у 1928 годзе накладам 7 тыс. асобнікаў. Неўзабаве пасля выходу кніга была прызнаная ідэалагічнай дыверсіяй, рэшткі яе накладу знішчаныя. Сцяпан Некрашэвіч у 1930-ыя некалькі разоў арыштоўваўся і быў расстраляны па хлуслівым абвіначавачанні. Мікола Байкоў быў арыштаваны ў 1945 г. у Нямеччыне савецкай контраразведкай і, верагодна, неўзабаве знішчаны.
У слоўніку на больш як 700 старонках змешчана больш за 60 тыс. слоў. Гэта найлепшы слоўнік першай паловы XX ст.
Сустрэча пачнецца а 19.00 гадзіне па адрасе: пр-т Незалежнасці, 37 а.
Каментары