Камерцыйныя запасы нафты Саудаўскай Аравіі дасягнулі 13-гадовага максімуму, а Іран рыхтуецца вярнуцца на рынак
Камерцыйныя запасы сырой нафты Саудаўскай Аравіі ў жніўні гэтага года выраслі да 326,6 млн бараляў і дасягнулі максімуму з 2002 года, паведамляе агенцтва Bloomberg.
Эр-Рыяд з'яўляецца найбуйнейшым сусветным экспарцёрам нафты, але ў жніўні экспарт упаў з 7,27 да 7 млн бараляў за суткі з прычыны зніжэння попыту.
Запасы сырой нафты краіны знаходзяцца на рэкордных адзнаках з мая 2015 года, у чэрвені быў усталяваны рэкордны паказчык здабычы ў 10,56 млн бараляў за дзень, упершыню з 1980 года.
Раней паведамлялася, што Саудаўская Аравія пачала нафтавую экспансію на рынкі Еўропы. У прыватнасці, яна прапанавала выгадныя кантракты Польшчы, якая раней закупляла сыравіну найбольш у Расіі.
Адначасова з 18 кастрычніка ўваходзіць у сілу пагадненне аб адмене санкцый супраць Ірана, у выніку чаго прыкладна з першай паловы наступнага года іранская нафта зноў зможа паступаць на рынкі Еўропы.
У выніку можна чакаць новага скарачэння цэнаў на нафту.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары