Амаль праз 75 гадоў пасля авіякатастрофы даследчыкі знайшлі на дне Атлантычнага акіяна абломкі самалёта Pan Am Clipper Endeavor, які разбіўся каля ўзбярэжжа Пуэрта-Рыка ў 1952 годзе. Пра гэта паведаміла выданне The New York Times.
Самалёт удалося адшукаць з дапамогай аўтаномнага падводнага апарата. Аказалася, што ён ляжыць на глыбіні каля 600 метраў прыкладна за восем кіламетраў ад берага.
Рэйс Pan Am 526A на самалёце Douglas DC-4 выконваў палёт з Сан-Хуана ў Нью-Ёрк. Неўзабаве пасля ўзлёту ў лайнера сталі адразу два рухавікі. Камандзір экіпажа Джон Берн прыняў рашэнне здзейсніць аварыйную пасадку на ваду.
Прывадненне прайшло паспяхова, і ўсе 69 чалавек, якія знаходзіліся на борце, спачатку засталіся жывыя. Аднак падчас эвакуацыі ўзнікла паніка. Хваставая частка самалёта аддзялілася, пасля чаго фюзеляж затануў. У выніку трагедыі загінулі 52 чалавекі. Гэтая катастрофа стала адной з прычын увядзення абавязковых інструктажоў па бяспецы для пасажыраў перад узлётам і пасадкай.
Падчас даследавання абломкаў спецыялісты знайшлі лагатып авіякампаніі Pan American World Airways і частку назвы самалёта. Паводле іх слоў, стан лайнера аказаўся значна лепшым, чым чакалася. На месцы катастрофы было зроблена больш за 350 тысяч фотаздымкаў, але падымаць абломкі або парэшткі загінулых не плануецца.
Пошукі самалёта працягваліся каля сямі гадоў. Іх ускладнялі вялікая глыбіня, неспрыяльнае надвор'е і пандэмія каранавіруса. Для работ выкарыстоўваўся падводны апарат Miss Millie коштам ад 10 да 12 мільёнаў даляраў, здольны апускацца на глыбіню да шасці тысяч метраў.
Удзельнікі экспедыцыі адзначылі, што знаходка мае вялікае значэнне для гісторыі авіяцыі. Кіраўнік пошукавай аперацыі Рас Мэцьюз заявіў, што яна дазваляе злучыць сучаснасць з мінулым. Паводле яго слоў, месца, дзе быў знойдзены самалёт, стане адзіным мемарыялам для 39 ахвяр катастрофы, чые целы так і не былі знойдзеныя.
У Калумбіі разбіўся самалёт з больш чым сотняй вайскоўцаў на борце
«Калі памром, то разам». Жонка мужчыны, якога ледзь не засмактала ў ілюмінатар самалёта Ryanair, расказала пра перажытае
Пасажырскі самалёт разбіўся на Багамах — усе 10 пасажыраў загінулі
11 чалавек загінулі ў Францыі пры крушэнні прыватнага самалёта з медсёстрамі
Сузаснавальнік Ubisoft Клод Гіё загінуў падчас крушэння самалёта ў Францыі
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары