«Замарозка немагчымая, пакуль Расія не дасягнула сваіх мэтаў». У Крамлі адказалі на прапанову Такаева
25 ліпеня падчас сустрэчы з прэзідэнтам Расіі Уладзімірам Пуціным у Омску прэзідэнт Казахстана Касым-Жамарт Такаеў публічна прапанаваў Пуціну замарозіць вайну з Украінай і заявіў, што «прырода гэтага канфлікту не зусім зразумелая». На гэтую прапанову казахстанскага лідара адказаў прэс-сакратар Крамля Дзмітрый Пяскоў.
«Прапанаваная Такаевым «замарозка» канфлікту ва Украіне немагчымая з улікам пазіцыі Кіева. Галоўная ўмова для Расіі — дасягнуць сваіх мэтаў. Усё можа спыніцца сёння да канца сутак, калі кіеўскі рэжым прыме адпаведныя рашэнні», — сказаў Дзмітрый Пяскоў.
Па ягоных словах, Такаеў і раней неаднаразова выказваўся па ўкраінскай праблематыцы, і ягоная пазіцыя паслядоўная. Але ў Расіі з ёй не згодныя і лічаць, што прэзідэнт Казахстана проста недастаткова інфармаваны.
«Значыць, мы недастаткова расказвалі пра першапрычыны. Мы працягнем гэта рабіць з падвоенай энергіяй. Нашы партнёры павінны ведаць нашу пазіцыю», — заявіў прэс-сакратар Пуціна.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары