Свет1313

Скандал у Францыі з жонкай Фіёна

Фота Closer.

Скандал у Францыі можа змяніць расклад сілаў на прэзідэнцкіх выбарах. Сатырычная газета «Канар аншэнэ» апублікавала расследаванне пра жонку кандыдата ў прэзідэнты Францыі ад правіцы Франсуа Фіёна.

Газета піша, што яна толькі лічылася памочніцай спачатку Фіёна, а пасля дэпутата, які заняў яго месца.

Нічога не рабіла, але пры гэтым атрымлівала да 7900 еўра за месяц заробку.

Закон у Францыі не забараняе дэпутатам наймаць памочнікамі сваякоў, але пры ўмове што яны рэальна працуюць. Усяго кожны дэпутат мае права плаціць памочнікам да 9561 еўра бруднымі. Фіён і ягоны пераемнік ільвіную долю гэтай сумы плацілі Пенэлопе Фіён.

У Фіёнаў пяцёра дзяцей, і Пенэлопа пераважна займалася хатай і іх гадаваннем.

Хоць яна мае дыплом адваката, яна ніколі нідзе не працавала як адвакатка і ў палітычнай ці адміністратыўнай дзейнасці незаўважаная.

Фіён апраўдваецца тым, што жонка дапамагала яму «незаўважна», без шуміхі і публічнасці. Журналістаў ён абвінаваціў у «паліванні гразёй» і «жанчынаненавісніцтве».

Аднак журналісты выцягнулі і яшчэ адну справу.

У 2012 і 2013 гадах Пенэлопа Фіён атрымала 100 тысяч еўра ганарару ад выдаўца Марка Лядрэ дэ Ляшар'ера за паслугі «літкансультанткі» ў часопісе Revue des deux mondes, хоць там выканала ўсяго тры малазначныя рэцэнзіі.

Пенелопа Фіён нарадзілася ва Уэльсе. З Фіёнам яны пазнаёміліся, калі яна вучыла мову Мальера ў французскім універсітэце.

«Канар аншэнэ» — паспяховы і сучасны аналаг беларускага «Вожыка». Гэта сатырычная газета левага кірунку.

Правацэнтрыст Фіён быў абраны кандыдатам ад правіцы. Лічылася, што ён мае найбольшыя шанцы выйсці ў другі тур выбараў разам з нацыяналісткай Марынай Лё Пэн. Акрамя іх, за пасаду будуць змагацца цэнтрыст, блізкі да фінансавых колаў, Эманюэль Макрон і кандыдат ад Сацыялістычнай партыі, які вызначыцца на перадвыбарах неўзабаве.

Каментары13

Цяпер чытаюць

Від на Каложскую царкву безнадзейна сапсаваны10

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны10

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць