Рэперы Вінсэнт і LSP зладзілі публічныя разборкі
Алег Саўчанка — стваральнік рэп-гурта LSP, — даючы інтэрв’ю сайту Kyky.org, успомніў пра іншых папулярных беларускіх рэп-выканаўцаў.
«Калі глядзець на культуру ў цэлым, дакладна назаву «Нестандартны варыянт» — яны былі першымі, яны «прабурылі свідравіну» рэпу ў Беларусі. Памятаю, глядзеў на іх і думаў: «Вось бы гэтак жа».
Вінсэнт? Беларускамоўная музыка, у прыватнасці рэп, заўсёды спекулявала на моўнай экзотыцы, за кошт якой не абавязкова рабіць музыку завоблачнай якасці, каб збіраць пэўную аўдыторыю і нядрэнна круціцца ў нашых музычных колах. Вінсэнт — якраз таму доказ. У яго тупа не было канкурэнцыі, проста апынуўся больш прадпрымальным за астатніх у патрэбны час у патрэбным месцы», — сказаў Саўчанка.
LSP — гэта вельмі папулярны на постсавецкай прасторы рэп-гурт. Алегу Саўчанку 28 гадоў, ён ураджэнец Віцебска, а карані паходзяць з Вушацкага раёна. Цікава, што прадзед Саўчанкі быў настаўнікам беларускай мовы Рыгора Барадуліна.
«Я не спекулюю на мове, я гэтым жыву, — адказаў LSP Vinsent. — Такім пасынкам, як Алег, гэтага не зразумець. Ён баіцца сказаць слова пра рэальную сітуацыю ў Беларусі, яму пляваць, як называць нашу краіну: Беларусь ці Белоруссія. Такія, як Алег, імкнуцца ў Курск і Цюмень, а я туды не імкнуся. Я раблю беларускі рэп, а яны робяць расейскі рэп.
Для мяне гэта тое ж самае, што мангольскі рэп, яно ніяк не крыжуецца з беларускай культурай. Таму мне не важна, што там кажуць пра мяне Алег ці расейскія рэпэры. Вось быў Рома Англічанін, ён зрабіў унёсак у беларускую культуру як мінімум супрацай з Маўзэрам. Шкада, што ён адышоў ад нас. Прыміце шчырыя спачуванні, блізкія, у тым ліку Алег. Алег, ты — проста кароль Тулы і Варонежа, мне гэта нецікава, як не цікавая твая музыка і ты сам».
Vinsent (сапраўднае імя Зміцер Папко) — 29-гадовы хіп-хоп выканаўца, родам з Івацэвічаў. Таксама Vinsent сыграў галоўную ролю ў фільме «Жыве Беларусь», граў у стужцы «Вышэй за неба».
Дарэчы, беларускамоўныя песні ў рэпертуары Алега з LSP усё ж маюцца. Ён спяваў разам з рэперам з Сянна Вожыкам. Вось адна з кампазіцый:
Сам Вожык гэтак адпісаўся пра спрэчку: «Танна і незразумела выглядаюць каменты ў падтрымку Вінсэнта ў яго выпадзе на ЛСП. Вы праўда гатовыя падтрымліваць дзімаў нарцысізм толькі таму, што ён беларускамоўны?» — пытаецца Вожык.
Іншы рэпер Gleboki Smak (Глеб Хамутоў) адпісаў з гэтай нагоды наступнае: «Знаёмы як з Вінсэнтам, так і з Алегам ЛСП. Абодвух паважаю. Але чаму, калі Міхалок разрываў канцэртныя залы па ўсёй Расіі, ніхто не называў яго каралём Тулы і Варонежу? Дзіўна, што Алега ЛСП, які носіць вышыванкі, цудоўна размаўляе па-беларуску і рабіў раней трэкі на беларускай мове, называюць так прыніжана. Гэта падхапілі вышыватнікі ды паліваюць выканаўцу лайном. Паліваюць чалавека, які ганарыцца тым, што беларус».
У інстаграме Алега Саўчанкі знайшлі фотку, дзе ён у вышыванцы, а подпіс знізу кажа: «Я — беларус. І гэтым ганаруся».
Муж Сямашкі быў не адзіным, хто атрымаў пашпарт прыкрыцця 13 лютага 2018 года39
Каментары