«НН» зафіксавала спробы накручваць лайкі за каменты. Рабілася гэта з маскоўскага «Білайна»
Рэдактары НН заўважылі нетыповую сітуацыю: у адным з артыкулаў раптам і ў адзін момант з'явілася 70 дызлайкаў на каменце з праНАТАўскім зместам, і 70 лайкаў пад адваротным каментам. Неймаверна, каб адразу столькі рэальных чытачоў зачапіліся за камент і выказалі сваё меркаванне. Гэта насцярожыла нас, і мы паглядзелі табліцу iplist, дзе захоўваюцца запісы пра лайкі. А таксама праманіторылі, ці бывалі аналагічныя сітуацыі раней, якія прайшлі міма нашай увагі.
Мы выявілі, што ўсе дызлайкі зыходзілі ад абанентаў з ip-адрасамі з Масквы — гэта ўсё адна падсетка расійскага мабільнага аператара «Білайн».
Выявілася, што аналагічныя сітуацыі здараліся і раней, але ў меншых маштабах, напрыклад, у гэтым артыкуле.
Мы мяркуем, што ўсё рабілася з адной мабільнай прылады праз запуск у браўзеры свайго скрыпта, які цыклічна адсылае нам запыты лайкаў. Застаецца толькі перыядычна адключацца і далучацца да інтэрнэту — мяняецца ip-адрас, і мы атрымліваем лайкі нібыта ад новага карыстальніка.
Для нас прынцыпова адсякаць любыя спробы маніпуляцыі меркаваннямі праз наш сайт з боку платных ботаў і платных службаў. Таму мы прынялі дадатковыя меры па абароне ад накрутак.
-
Камандуючы НАТА не гаварыў пра ўдары па Беларусі ў выпадку нападу Расіі з яе тэрыторыі. Гэта агучвалася ў ранейшай стратэгіі
-
Беларускі музей імя Івана Луцкевіча рыхтуе выставу да 120‑годдзя «Нашай Нівы» і просіць дапамагчы з экспанатамі
-
«Наша Ніва» атрымала тры журналісцкія прэміі. Сярод пераможцаў Бугай і Роўда
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары