«NN» zafiksavała sproby nakručvać łajki za kamienty. Rabiłasia heta z maskoŭskaha «Biłajna»
Redaktary NN zaŭvažyli nietypovuju situacyju: u adnym z artykułaŭ raptam i ŭ adzin momant źjaviłasia 70 dyzłajkaŭ na kamiencie z praNATAŭskim źmiestam, i 70 łajkaŭ pad advarotnym kamientam. Niejmavierna, kab adrazu stolki realnych čytačoŭ začapilisia za kamient i vykazali svajo mierkavańnie. Heta naściarožyła nas, i my pahladzieli tablicu iplist, dzie zachoŭvajucca zapisy pra łajki. A taksama pramanitoryli, ci byvali anałahičnyja situacyi raniej, jakija prajšli mima našaj uvahi.
My vyjavili, što ŭsie dyzłajki zychodzili ad abanientaŭ z ip-adrasami z Maskvy — heta ŭsio adna padsietka rasijskaha mabilnaha apieratara «Biłajn».
Vyjaviłasia, što anałahičnyja situacyi zdaralisia i raniej, ale ŭ mienšych maštabach, naprykład, u hetym artykule.
My miarkujem, što ŭsio rabiłasia z adnoj mabilnaj pryłady praz zapusk u braŭziery svajho skrypta, jaki cyklična adsyłaje nam zapyty łajkaŭ. Zastajecca tolki pieryjadyčna adklučacca i dałučacca da internetu — mianiajecca ip-adras, i my atrymlivajem łajki nibyta ad novaha karystalnika.
Dla nas pryncypova adsiakać lubyja sproby manipulacyi mierkavańniami praz naš sajt z boku płatnych botaŭ i płatnych słužbaŭ. Tamu my pryniali dadatkovyja miery pa abaronie ad nakrutak.
-
Biełaruski muziej imia Ivana Łuckieviča rychtuje vystavu da 120‑hodździa «Našaj Nivy» i prosić dapamahčy z ekspanatami
-
«Naša Niva» atrymała try žurnalisckija premii. Siarod pieramožcaŭ Buhaj i Roŭda
-
Cichanoŭski i Piatruchin raspaŭsiudzili novuju łabudu: što palitviazień Papoŭ atrymaŭ 16 hadoŭ turmy z-za publikacyi «NN»
Kamientary