Чытачы “Нашай Нівы” выявіліся сапраўднымі грамадзянамі. Колькасьць падпісчыкаў пасьля Новага году вырасла на 320 чалавек, і зьвесткі працягваюць надыходзіць. Ён хацеў запалохаць, а сутыкнуўся з радыкалізацыяй грамадзянскага духу. Гэта нармальная рэакцыя нармальнай нацыі.
Чытачы “Нашай Нівы” выявіліся сапраўднымі грамадзянамі. Колькасьць падпісчыкаў пасьля Новага году вырасла на 320 чалавек, і зьвесткі працягваюць надыходзіць. Ён хацеў запалохаць, а сутыкнуўся з радыкалізацыяй грамадзянскага духу. Гэта нармальная рэакцыя нармальнай нацыі.
Дзякуй тым 47 чытачам, якія прапанавалі распаўсюджваць газэту. Цяпер задача — арганізаваць розьнічны распаўсюд. Прашу ўсіх здольных далучацца.
Як бачыце, газэта з новага году стала цалкам новаю. Дакладней, старою: вярнулася да фармату часоў Мікалая ІІ. Цяпер кожны можа здрукоўваць яе. Прачытай і скапіюй другому. Прачытай і падшый. Газэта даецца вялікім трудом. Шануйце яе.
Хай падпіска на “НН” стане першым крокам, пасьля якога вы пачнеце скрозь і заўжды гаварыць па-беларуску. Як многія пачалі пасьля Ганебнага рэфэрэндуму 1995 году.
Спачатку было нязвыкла, яны бянтэжыліся і гублялі пэўнасьць. Цяпер мова для іх — стыхія і візытоўка, па якой іх пазнаюць і якая дапамагае ў самых складаных сытуацыях. Ведаю многа такіх людзей.
Разумею, што цяжэй зьдзейсьніць такі пераход сталым людзям, сацыяльнае кола якіх сфармаванае. Або тым, хто ў маленстве не гаварыў на роднай мове. Але: мала чытаць — трэба гаварыць. На мове, на трасянцы, на дыялектах.
Калі для кагосьці з вас мяжою стане цынічная забарона беларускіх газэтаў, значыць мы не дарма рабілі гэты нумар.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары