Данія і Грэнландыя ўзмацняюць сувязі ў абароне на фоне скандалу з Трампам
Данія і Грэнландыя дамовіліся ўзмацніць супрацоўніцтва ў галіне бяспекі і абароны, спасылаючыся на стратэгічную ролю арктычнага рэгіёну, паколькі раставанне лёду адкрывае новыя гандлёвыя шляхі і паляпшае доступ да прыродных рэсурсаў вострава, піша Bloomberg.
Паведамляецца, што прэм'ер-міністр Даніі Метэ Фрэдэрыксен наведае Грэнландыю пасля дыпламатычнай сутычкі з ЗША.
Грэнландыя і Данія правядуць сумесныя ваенныя вучэнні і вучэнні надзвычайных службаў.
Міністр абароны Даніі Трынэ Брамсен заявіў, што ўрад пад кіраўніцтвам сацыял-дэмакратаў таксама разглядае магчымасць накіраваць больш ваенных караблёў.
«Пагрозы і наступствы, выкліканыя зменай клімату, патрабуюць нашай прысутнасці», — заявіў Брамсен.
Грэнландыя атрымала аўтаномію ў складзе Дацкага каралеўства ў 1979 годзе, у 2009 годзе востраў атрымаў самакіраванне. Капенгаген захоўвае кантроль толькі над знешняй палітыкай і абаронай Грэнландыі.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары