Памочнік Трампа: Сулеймані рыхтаваўся забіць вялікую колькасць амерыканскіх дыпламатаў і салдат у найбліжэйшыя дні

Іранскі генерал Касем Сулеймані, які загінуў у выніку авіяўдару ЗША ў Багдадзе, рыхтаваўся «забіць вялікую колькасць амерыканскіх дыпламатаў і салдат у найбліжэйшыя дні». Пра гэта са спасылкай на разведзвесткі ў эфіры Fox News паведаміў памочнік прэзідэнта ЗША па нацбяспецы Роберт О'Браен, піша РБК.
Раней пра тое, што Сулеймані знаходзіўся ў Багдадзе з мэтай правядзення аперацый, якія «патэнцыйна маглі прывесці да гібелі яшчэ большай колькасці амерыканцаў», заявіў дзяржсакратар ЗША Майк Пампеа.
О'Браен пацвердзіў пазіцыю адміністрацыі. Паводле яго слоў, Сулеймані падарожнічаў у Дамаск, Бейрут і Багдад, каб звязацца з людзьмі з мэтай «напасці на амерыканскія аб'екты, у якіх знаходзіліся дыпламаты, салдаты, матросы, лётчыкі, марскія пехацінцы, берагавая ахова». Забойства генерала было неабходна для прадухілення іранскай агрэсіі, сцвярджае памочнік прэзідэнта.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі
Каментары