На саміце кіраўнікоў краінаў Еўрасаюзу ў Бруселі была зацверджаная праграма «Ўсходняга партнёрства». У лік шасці краінаў, на якія распаўсюджваецца праграма, трапіла і Беларусь.
На саміце кіраўнікоў краінаў Еўрасаюзу ў Бруселі была зацверджаная праграма «Ўсходняга партнёрства». У лік шасці краінаў, на якія распаўсюджваецца праграма, трапіла і Беларусь.Апроч нас ва «Ўсходняе партнёрства» запрасілі Азербайджан, Арменію, Грузію, Малдову і Украіну.
Афіцыйна ў сілу праграма ўступіць 7 траўня на саміце ў Празе. Пытанне пра запрашэнне Лукашэнкі ў чэшскую сталіцу ўсё яшчэ абмяркоўваецца.
Як адзначаецца ў Бруселі, галоўнай мэтай праграмы з’яўляецца ўцягванне гэтай шасцёркі краін у эканамічную, палітычную і стратэгічную сферы ўплываў Еўрасаюзу.
Паводле некаторых еўрачыноўнікаў, удзел Беларусі, Украіны і Малдовы ў праграме «Ўсходняга партнёрства» адкрывае перад краінамі выдатныя перспектывы сяброўства ў Еўрасаюзе. Кажучы іншымі словамі, удзел у праграме прадугледжвае тую ж ступень дачыненняў з ЕС, якімі цешацца Нарвегія, Ліхтэнштэйн і Ісландыя. Яны маюць тыя ж правы, як і краіны‑сябры Еўрасаюзу, апроч супрацоўніцтва ў аграрнай сферы і права голасу.
З часам краінам Усходняга партнёрства будзе прапанаваны таксама бязвізавы рэжым — на індывідуальнай аснове.
Праграма «Ўсходняга партнёрства» была распрацаваная летась Польшчай і Швецыяй.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары