Іллю Дубскага ў калоніі прымусілі самому сабе лязом зрэзаць татуіроўку з Пагоняй
Каб не трапіць у «нізкі статус», ён быў вымушаны сам зрэзаць на сабе скуру.
Ілля Дубскі. Фота: Наша Ніва
Жыхар Асіповічаў Ілля Дубскі быў сярод тых 52 палітзняволеных, якія былі 11 верасня 2025 года вызвалены рэжымам Лукашэнкі і прымусова выцесненыя за мяжу.
Дубскі быў затрыманы ўвосень 2020 года і быў асуджаны да 5 гадоў пазбаўлення волі за «распальванне варожасці».
У калоніі, дзе ён адбываў пакаранне, ён падвяргаўся псіхалагічнаму і фізічнаму ціску, піша Dissidentby.
Адміністрацыя загадала яму прыбраць татуіроўку, інакш пагражалі «зніжэннем статусу» і тым, што ён «ніколі не выйдзе на волю». У выніку Ілья быў вымушаны самастойна выразаць татуіроўку лязом, што пакінула вялікі рубец на руцэ.
Зведзеная татуіроўка з Пагоняй. Фота: Dissidentby
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары