Марат Маркаў: Прыхільнікам Бабарыкі галоўнае не ведаць праўду, а спачуваць
Следства па справе Белгазпрамбанка павінна быць максімальна адкрытым, каб вакол яго не ўзнікала спекуляцый і пагалосак. Пра гэта заявіў дырэктар прадстаўніцтва МТРК «Мір» у Беларусі Уладзімір Пярцоў у эфіры праграмы «Клуб рэдактараў» на тэлеканале «Беларусь 1», паведамляе БелТА.
«Мы яшчэ раз ад імя клуба настойваем, каб следства і судовы працэс былі максімальна адкрытымі,- сказаў Уладзімір Пярцоў. - Тады не будзе спробаў зрабіць палітычную ахвяру там, дзе на самай справе банальнае, прызнаванае ва ўсім свеце звычайнае эканамічнае злачынства».
Дырэктар — галоўны рэдактар Выдавецкага дома «СБ. Беларусь сегодня» Дзмітрый Жук падчас перадачы заўважыў, што па справе праходзіць не толькі экс-кіраўнік Белгазпрамбанка Віктар Бабарыка, але і іншыя службовыя асобы. Усе яны даюць поўныя дэталяў прызнальныя паказанні, якія, па яго словах, прыдумаць немагчыма. «Тыя, хто сумняецца ў гэтым, падобныя да дзіця, якое схавалася, закрыўшы далонькамі твар, але на самой справе яго бачаць усе», — дадаў кіраўнік холдынгу.
Са слоў Дзмітрыя Жука, з аднаго боку, беларусы хочуць, каб было «як у Еўропе», з іншага — у ментальнасці ў людзей утаіць прыбыткі і не заплаціць падаткі. «Калі для амерыканца гэта жорсткае табу, то ў нас ледзь не геройства: ха-ха, падмануў дзяржаву. Хлопцы, давайце сталець і рабіцца цывілізаванымі», — заклікаў ён.
«Як нехта цікава сказаў: напэўна, у прыхільнікаў Бабарыкі сфармаваўся пэўны «стакгольмскі сіндром». Узнікае адчуванне, што ім галоўнае не ведаць праўду, а спачуваць», — у сваю чаргу адзначыў кіраўнік тэлеканала АНТ Марат Маркаў.
Каментары