Парашэнка заклікаў Лукашэнку пайсці на датэрміновыя прэзідэнцкія выбары
Экс-прэзідэнт Украіны Пятро Парашэнка звярнуўся да ўладаў Беларусі. Ён заявіў, што беларуская ўлада павінна знайсці адказ на патрабаванні беларускага грамадства, якое імкнецца і гатова да дэмакратычных перамен у жыцці дзяржавы, а таксама пайсці на датэрміновыя прэзідэнцкія выбары з прыцягненнем міжнародных назіральнікаў, перадае «Інтэрфакс-Украіна».
Ён заклікаў цяперашнюю ўладу Украіны прызначыць спецыяльнага прадстаўніка краіны па Беларусі, які будзе садзейнічаць урэгуляванню сітуацыі. а таксама арганізаваць кантакты прадстаўнікоў ЕС з МЗС Беларусі для вырашэння праблемных пытанняў.
Пры гэтым палітык заклікаў міжнародную супольнасць назіраць за дзеяннямі РФ, якая «толькі чакае зручнага моманту для таго, каб пакончыць з беларускай дзяржаўнасцю і незалежнасцю».
— Беларусы — традыцыйныя сябры і партнёры ўкраінскага народа, шчырыя, прыязныя і прыстойныя браты па крыві і духу. Дэмакратычная, стабільная, квітнеючая і незалежная Беларусь з'яўляецца адным з ключавых фактараў бяспекі і дабрабыту Украіны. Таму я не магу моўчкі назіраць за тым, як Беларусь спаўзае ў бездань хаосу і палітычнай нявызначанасці, — заявіў Парашэнка.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый14
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары