Памёр архітэктар Міхаіл Вінаградаў — адзін з аўтараў Нацыянальнай бібліятэкі і Чыгуначнага вакзала
Міхаіл Кліменцьевіч Вінаградаў пайшоў з жыцця 29 кастрычніка, яму было 76 гадоў, паведамляюць Мінск-навіны.
Міхаіл Вінаградаў нарадзіўся ў 1944 г., скончыў будаўнічы факультэт Беларускага політэхнічнага інстытута ў 1968 г., 50 гадоў прапрацаваў у праектных арганізацыях.
За гады працы разам з калегамі спраектаваў больш за 200 будынкаў і збудаванняў. Сярод самых вядомых работ — гістарычны музей «Старажытны Брэст» на тэрыторыі Брэсцкай крэпасці, кінатэатр «Масква» ў Мінску, санаторый «Белая Русь» на Нарачы, комплекс чыгуначнага вакзала ў Мінску і Нацыянальнай бібліятэкі Беларусі, будынак «Белгазпрамбанка» на вул. Прытыцкага.
За праекты чыгуначнага вакзала і Нацыянальнай бібліятэкі, распрацаваныя ў суаўтарстве з Віктарам Крамарэнкам, Міхаіл Вінаградаў двойчы ўдастоены дзяржаўнай прэміі краіны.
Развітанне з Міхаілам Вінаградавым пройдзе сёння з 13:00 да 13:45 на вул. Альшэўскага, 12.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары