Навальны ідэнтыфікаваў групу работнікаў ФСБ, якія атруцілі яго «Навічком» — расследаванне
Расійскі палітык Аляксей Навальны апублікаваў расследаванне наконт свайго атручвання і назваў імёны людзей, якіх абвінавачвае ў спробе забойства.
Нагадаем, Навальнаму — галоўнаму апаненту Уладзіміра Пуціна — стала дрэнна ў самалёце ў жніўні 2020 года. Праз некаторы час заходнія дактары знайшлі ў яго арганізме сляды «Навічка».
Цалкам расследаванне можна прачытаць тут, а мы перакажам толькі базавыя тэзісы.
1) У сваёй паездцы Навальны ляцеў нетыповым маршрутам. У адзін бок — Масква — Навасібірск, у адваротны Томск — Масква. Аднак выявілася, што тры невядомыя яму чалавекі ляцелі гэтымі ж рэйсамі. Адзін з іх — работнік ФСБ Уладзімір Паняеў.
2) Два іншыя падазроныя спадарожнікі — медыкі з сістэмы ФСБ. Прычым яны перасоўваліся па падробленых дакументах.
3) Аказалася, што гэтыя трое чалавек падарожнічалі ўслед за Навальным у 30 паездках.
4) Рабілася дзве спробы атруціць Навальнага, але доза была замалая.
5) Расследавальнікі знайшлі білінг мабільных тэлефонаў групы ФСБ і адсачылі іх актыўныя перамовы ў дні спроб атруціць Навальнага.
6) Актыўнасць групы ФСБ пачалася пасля таго, як Навальны заявіў, што будзе балатавацца ў прэзідэнты Расіі.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары