Як будзе выглядаць элітны квартал на месцы былога тралейбуснага дэпо ля плошчы Перамогі ФОТА
У межах вуліц Кісялёва, Чырвонай, праспектаў Машэрава і Незалежнасці ва ўсю вядзецца будаўніцтва жылога комплексу бізнэс-класа, паведамляе забудоўшчык — «А-100 Дэвелапмент». Кампанія нарэшце паказала праект новага квартала ў цэнтры Мінска.
Квартал спраектаваны маскоўскім архітэктарам Сяргеем Скуратавым і будзе складацца з маналітных дамоў на 554 кватэры. Максімальная вышыня будынкаў — 5-7 паверхаў. Такое рашэнне прынята, каб не парушаць панараму праспекта.
У жылым комплексе пабудуюць падземны паркінг з месцамі для зарадкі электрамабіляў. Двары пры гэтым будуць закрытымі, а пешаходная вуліца з крамамі, рэстаранамі і арт-прасторай адкрытая для ўсіх ахвотных. З'явіцца і свой прыватны дзіцячы сад. Квартал «прарэжа» праменад са штучнай сажалкай.
Першымі пабудуюць дамы ў раёне існуючага будынка на вуліцы Кісялёва, 4 — іх здадуць ўжо ў 2022 годзе, таму ўжо стартавалі продажы кватэр і пентхаусаў. Самыя кампактныя кватэры з адной спальняй — ад 55 кв. м., а топавыя пентхаусы зоймуць больш за 200 «квадратаў». На першапачатковым этапе кошт квадрата складае ад $3,5 тысячы ў эквіваленце.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён13
Каментары