Італьянскія даследчыкі навучылі робата Pepper думаць услых
Каб даследаваць працэс прыняцця рашэнняў штучным інтэлектам, даследчыкі з Палермскага ўніверсітэта навучылі робата агучваць свае думкі, калі ён выконвае каманды.
Навукоўцам удалося навучыць робата Pepper, якога распрацавала кампанія SoftBank Robotics, агучваць свае думкі. Гэта можа быць асабліва карысна, калі робат не ўспрымае нейкую каманду чалавека, бо цяпер Pepper можа сам патлумачыць, чаму ён не можа выканаць тое ці іншае дзеянне, піша The Guardian.
У адным з эксперыментаў Pepper мусіў дапамагчы чалавеку накрыць на стол. Калі навуковец папрасіў робата пакласці сурвэтку справа, што супярэчыць правілам этыкету, Pepper пачаў размаўляць і прыйшоў да высновы, што чалавек памыляецца. Затым ён запытаўся, ці варта яму працягваць дзеянне.
Калі чалавек паўтарыў каманду яшчэ раз, Pepper сказаў, што ён ніколі б не парушыў правілы, але не можа расстроіць чалавека, таму выканае каманду. Пасля гэтага робат паклаў сурвэтку справа ад талеркі.
Навукоўцы прыйшлі да высновы, што робат хутчэй выконвае каманды, калі агучвае свае думкі.
Пакуль што Pepper агучвае свае думкі дзякуючы ўбудаванай у яго вылічальнай мадэлі. Аднак даследчыкі не выключаюць, што хутка з’явіцца робат, які будзе генерыраваць сваё маўленне самастойна.
«Кайлас, я іду». Што за беларуска знікла ў жудасным селі ў Непале6
Каментары