Пачобут: У верасні я вярнуся ў Беларусь, каб пашыраць там прастору для свабоды выказвання
Журналіст заявіў, што вернецца ў Гродна, 13 верасня там адбудзецца зʼезд палякаў у Беларусі.
Экс-палітвязень быў спецыяльным госцем на канферэнцыі «Польшча будучыні». Ён зноў заявіў, што вернецца ў Беларусь у верасні, паведамляе «Польскае радыё».
— Гэта натуральна, што чалавек хоча вярнуцца дадому, — сказаў ён падчас сустрэчы з моладдзю. — Гарадзеншчына, рака Нёман, горад Гродна, Вялікая Бераставіца, дзе я нарадзіўся, — гэта асаблівыя месцы для мяне і гэта натуральна, што чалавек хоча вярнуцца дадому. Мне здаецца, што нікому не трэба тлумачыць.
Андрэй Пачобут падкрэсліў, што ўсведамляе наступствы, з якімі можа сутыкнуцца. Ён падкрэсліў, што «мае намер пашырыць прастору для свабоды выказвання меркаванняў у Беларусі», і дадаў, што яго чакаюць палякі ў Беларусі.
— Ёсць польская меншасць і Саюз палякаў у Беларусі, людзі чакаюць. Мае размовы з актывістамі Саюзу палякаў вельмі часта пачынаюцца альбо канчаюцца пытаннем: калі ты ўжо прыедзеш? Я не змяніў планаў і ў верасні вяртаюся ў Гродна.
Каментары