Свет

У Польшчы выявілі рэкордны груз кантрабандных беларускіх цыгарэт — на $9,7 млн

Кантрабанду спынілі ў гміне Тарэспаль.

Цыгарэты трапілі ў Польшчу цягніком зь Беларусі, але польскія памежнікі выкрылі нелегальны груз і канфіскавалі яго, піша Радыё Свабода.

Каля 2,5 млн пачак цыгарэт выявілі супрацоўнікі Нацыянальнай падатковай адміністрацыі Польшчы разам з Падляшскім аддзелам Памежнай службы краіны. Самая вялікая ў гісторыі па маштабах кантрабанда знаходзілася ў трох кантэйнэрах, якія прыбылі на цягніку зь Беларусі на перагрузачны пункт у гміне Тарэспаль, паведамілі ў сядзібе падатковай адміністрацыі ў Беластоку.

Агульны кошт нелегальнага грузу зь Беларусі — 37 млн злотых, што ў пераліку на даляры складае звыш $9,7 млн — гэта рэкорд кантрабанды, якую спынілі памежныя службы за ўвесь час.

Папярэдні рэкорд быў устаноўлены ў лютым, калі ў Польшчу зь Беларусі спрабавалі перавезьці 1 млн 800 тысяч пачак беларускіх цыгарэт на 7,5 млн даляраў. 

Паводле дакумэнтаў, груз, які прыбыў у Тэрэспаль, складаўся з вэрмікуліту і награвальных элемэнтаў, але пры ўскрыцьці падазроных скрыняў выявілася, што там цыгарэты. Польскія службы падлічылі, што агульная шкода ад такой гіганцкай партыі кантрабанды для бюджэту дзяржавы склала б 60 млн злотых, або 15,8 млн даляраў.

Рэгіянальная пракуратура ў Белай Падляскай пачала расследаванне для пошуку вінаватых у пастаўках у Польшчу нелегальнага грузу ў такім буйным памеры.

Ад пачатку 2021 году памежныя службы Польшчы, Літвы і Украіны шматразова спынялі буйную кантрабанду цыгарэт з тэрыторыі Беларусі.

Чытайце таксама: У Польшчы затрымалі кантрабандныя беларускія цыгарэты на $2,5 мільёна

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць