U Polščy vyjavili rekordny hruz kantrabandnych biełaruskich cyharet — na $9,7 młn
Kantrabandu spynili ŭ hminie Tarespal.
Cyharety trapili ŭ Polšču ciahnikom ź Biełarusi, ale polskija pamiežniki vykryli nielehalny hruz i kanfiskavali jaho, piša Radyjo Svaboda.
Kala 2,5 młn pačak cyharet vyjavili supracoŭniki Nacyjanalnaj padatkovaj administracyi Polščy razam z Padlašskim adździełam Pamiežnaj słužby krainy. Samaja vialikaja ŭ historyi pa maštabach kantrabanda znachodziłasia ŭ troch kantejnerach, jakija prybyli na ciahniku ź Biełarusi na pierahruzačny punkt u hminie Tarespal, paviedamili ŭ siadzibie padatkovaj administracyi ŭ Biełastoku.
Ahulny košt nielehalnaha hruzu ź Biełarusi — 37 młn złotych, što ŭ pieraliku na dalary składaje zvyš $9,7 młn — heta rekord kantrabandy, jakuju spynili pamiežnyja słužby za ŭvieś čas.
Papiaredni rekord byŭ ustanoŭleny ŭ lutym, kali ŭ Polšču ź Biełarusi sprabavali pieravieźci 1 młn 800 tysiač pačak biełaruskich cyharet na 7,5 młn dalaraŭ.
Pavodle dakumentaŭ, hruz, jaki prybyŭ u Terespal, składaŭsia z vermikulitu i nahravalnych elementaŭ, ale pry ŭskryćci padazronych skryniaŭ vyjaviłasia, što tam cyharety. Polskija słužby padličyli, što ahulnaja škoda ad takoj hihanckaj partyi kantrabandy dla biudžetu dziaržavy skłała b 60 młn złotych, abo 15,8 młn dalaraŭ.
Rehijanalnaja prakuratura ŭ Biełaj Padlaskaj pačała rasśledavańnie dla pošuku vinavatych u pastaŭkach u Polšču nielehalnaha hruzu ŭ takim bujnym pamiery.
Ad pačatku 2021 hodu pamiežnyja słužby Polščy, Litvy i Ukrainy šmatrazova spyniali bujnuju kantrabandu cyharet z terytoryi Biełarusi.
Čytajcie taksama: U Polščy zatrymali kantrabandnyja biełaruskija cyharety na $2,5 miljona
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary