Навукоўцы: Блізарукія людзі спяць горш, чым людзі са здаровым зрокам
Справа ў парушаных біялагічных рытмах і нізкім узроўні гармону сну.
Блізарукасць, ці, як яе называюць медыкі, міяпія — стан зрокавай сістэмы, які ёсць у 30% дарослых і 10% дзяцей. Згодна з новым даследаваннем, такія людзі яшчэ і спяць горш за тых, хто мае здаровы зрок.
Гэта высветлілі навукоўцы з аўстралійскага Універсітэта Фліндэрса. Яны прааналізавалі цыркадныя рытмы студэнтаў універсітэта з міяпіяй і з добрым зрокам. Нагадаем, што цыркадныя рытмы — унутраны біялагічны гадзіннік арганізма, які кантралюе ўсе фізіялагічныя працэсы, у тым ліку і сон. Таксама навукоўцы высветлілі колькасць у арганізме студэнтаў мелатаніну — гармону, ад якога таксама залежыць якасць сну, піша Daily Mail.
Атрымалася, што ў людзей з міяпіяй цыркадныя рытмы значна спазняюцца ў параўнанні з паказчыкамі здаровых людзей. У дадатак, блізарукія людзі маюць у арганізме менш мелатаніну, чым здаровыя.
Даследчыкі лічаць, што справа можа быць ў штучным асвятленні і пашыраным ужыванні электронных дэвайсаў для чытання і ў вольны час. Гэтыя дэвайсы вылучаюць блакітнае святло, якое можа прыгнятаць вытворчасць мелатаніну і выклікаць парушэнне цыркадных рытмаў. Гэта, у сваю чаргу, вядзе да таго, што чалавек доўга не можа заснуць і якасць яго сну парушаецца. Але пры гэтым пакуль дакладна невядома, як штучнае святло і карыстанне электроннымі дэвайсамі ўплываюць на зрок.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары