Культура

У Гродне частку вуліцы ў цэнтры хочуць назваць у гонар Філарэта. Краязнаўцы супраць і прапануюць свой варыянт ушанавання

Як стала вядома ў жніўні, улады Гродна плануюць перайменаваць частку вуліцы Горкага ад плошчы Тызенгаўза да скрыжавання з вуліцамі 17 верасня і Камунальнай гонар былога экзарха ўсяе Беларусі. Аднак мясцовым краязнаўцам такая ідэя не прыйшлася даспадобы — яны стварылі петыцыю супраць перайменавання, прычым аўтары не проста адпрэчваюць афіцыйную прапанову, а прапануюць свой варыянт. 

Па-першае, краязнаўцы, якія шмат гадоў ваююць з гарадскімі ўладамі за вяртанне гістарычных назваў, абураныя, як лёгка было прынята рашэнне аб перайменаванні: «На працягу апошніх дзесяцігоддзяў мясцовыя ўлады адкідалі любыя прапановы па вяртанні назад гістарычных назваў вуліц, заўзята адстойваючы савецкія безаблічныя назвы, ніяк не звязаныя з гарадамі і іхняй гісторыяй. Аргументы таму знаходзіліся розныя: «патрабуе значных рэсурсаў», «прадстаўляецца немэтазгодным», «стварае нязручнасці для жыхароў», «з моманту смерці асобы не мінула 10 гадоў», — такімі словамі пачынаецца петыцыя.

Таксама краязнаўцы не разумеюць, чаму вуліца Філарэта мусіць з'явіцца ў цэнтры менавіта Гродна: ніякія заслугі мітрапаліта перад горадам у апублікаваных афіцыйных тэкстах не раскрыты.

Прычым, як даводзяць гісторыкі, менавіта прапанаваны да перайменавання ўчастак вуліцы Горкага, ад плошчы Тызенгаўза да скрыжавання з вуліцамі 17 Верасня і Камунальнай, меў гістарычную назву — Грандзіцкая вуліца, за цяперашнімі вуліцамі 17 Верасня і Камунальнай горад сканчаўся, і працяг вуліцы цягнуўся да вёскі Грандзічы, ад якой уласна яна і атрымала назву. 

Трэба адзначыць, што неабыякавыя да гісторыі складальнікі петыцыі не проста адпрэчваюць варыянт мэрыі, але і прапануюць свой. Яны лічаць, што ўшанаваць памяць мітрапаліта Філарэта можна, надаўшы яго імя безназоўнай плошчы (курданёру), якая ўтвараецца карпусам архірэйскага падворка (вул. Горкага, 2, 4).

«Такія месцы заўсёды лічацца ганаровымі (для прыкладу — плошча Святога Пятра ў Рыме, плошча Маршала Юзафа Пілсудскага перад Саксонскім палацам і курданёр з помнікам Юзафу Панятоўскаму перад Прэзідэнцкім палацам у Варшаве, курданёр Версальскага палаца і інш.), а ў дадзеным выпадку такое рашэнне яшчэ і не ўступае ў супярэчанне з гісторыяй і здаровым сэнсам», — даводзяць аўтары петыцыі.

Каментары

Цяпер чытаюць

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі2

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі

Усе навіны →
Усе навіны

Вялікі тэатр Беларусі плануе гастролі ў анексаваным Крыме3

«Прачнуліся ад аглушальнага хлапка, а потым зразумелі, што гарым». У Мінску маланка трапіла ў прыватны дом5

Лукашэнка пра «Беларусьфільм»: Няхай ствараюць, прадаюць і жывуць, не — да пабачэння8

Ізраіль дэпартаваў Грэту Тунберг. Яе пасадзілі ў самалёт14

«Паспрабуйце гады праз тры». Менеджар выехаў у ЗША з беларускім офісам пасля 2020 года. Паўтараць (пакуль) не раіць8

Гайдукевіч параіў выкладваць у тыкток «не дупу»16

Беларуска падзялілася ўражаннямі ад аўтобуснага тура ў Дагестан — 32 гадзіны да першага начлега3

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка9

больш чытаных навін
больш лайканых навін

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі2

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі

Галоўнае
Усе навіны →

Заўвага:

 

 

 

 

Закрыць Паведаміць