Маці экс-прэзідэнта Грузіі Міхаіла Саакашвілі Гіюлі Аласанія звярнулася да ўкраінскага прэзідэнта Уладзіміра Зяленскага з просьбай дапамагчы яе сыну, які ад 1 кастрычніка знаходзіцца ў грузінскай турме.
Пра гэта яна заявіла ў відэазвароце, апублікаваным на старонцы Саакашвілі ў фэйсбуку, піша РБК.
«Я хачу звярнуцца да спадара Зяленскага, які не раз і раней нам дапамагаў. Але цяпер нам асабліва патрэбна яго падтрымка і яго дапамога. Трэба нейкім чынам арганізаваць перапраўку Міхаіла сюды, ва Украіну, каб тут ён змог атрымаць адпаведнае лячэнне, адпаведны клопат і змог неяк выжыць», — сказала яна.
Паводле яе слоў, Саакашвілі знаходзіцца на галадоўцы ўжо 35 дзён, і з ім «можа здарыцца ўсё што заўгодна». Яна таксама сказала, што ў турэмным шпіталі няма адпаведных спецыялістаў і належных умоў. «Я вельмі на вас спадзяюся. На ўсіх вас — людзей ва Украіне», — заключыла маці экс-прэзідэнта.
***
Саакашвілі 1 кастрычніка вярнуўся ў Грузію перад правядзеннем у краіне мясцовых выбараў. У той жа дзень прэм'ер-міністр Іраклій Гарыбашвілі заявіў, што Саакашвілі затрыманы і знаходзіцца ў турме. У дачыненні да яго завялі справу аб незаконным перасячэнні дзяржаўнай мяжы. Яму пагражае да шасці гадоў турмы
Адвакат Саакашвілі Пека Басілая называў прэзідэнцкае памілаванне адзіным шанцам пазбегнуць пакарання. Аднак прэзідэнт краіны Саломэ Зурабешвілі адмовілася гэта зрабіць.
«Адказ адзін, просты і канчатковы: не і ніколі», — падкрэсліла яна.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары