У Літве для школьнікаў увядуць «пашпарты магчымасцяў» і маскі. З наступнага тыдня змены закрануць і дарослых
Урад Літвы ў сераду на пасяджэнні абмеркаваў шэраг змяненняў наконт сітуацыі з каранавірусам у краіне. Пік гэтай хвалі каранавіруса яшчэ не дасягнуты, магчыма, пагоршыць сітуацыю і калядны перыяд, паведамляе Delfi.
Так, з 29 снежня для дзяцей з 12 гадоў трэба будзе мець «пашпарт магчымасцяў» (дакумент аб вакцынацыі або адсутнасці кавіду, які трэба паказваць пры наведванні гандлёвых цэнтраў, або пунктаў грамадскага харчавання — як Макдональдс ці KFC, якія карыстаюцца вялікай папулярнасцю сярод школьнікаў)
Для атрымання «пашпарта магчымасцяў» непрышчэпленымі (у Літве можна атрымаць вакцыну з 12 гадоў) можна здаць толькі ПЛР-тэст і ён будзе дзейнічаць 72 гадзіны.
Гэта палажэнне ступіць у сілу з 1 снежня.
Акрамя таго, з 1 снежня ўводзіцца тэрмін дзеяння «пашпарта магчымасцяў» - 7 месяцаў з моманту поўнай вакцынацыі.
Таксама з наступнага панядзелка, 15 лістапада, можна насіць толькі медыцынскія маскі і рэспіратары.
З 1 снежня маскі будуць насіць усе школьнікі і работнікі школ (маскі павінны выдаваць у школах). Такі тэрмін абраны, каб паспелі вырабіць маскі для дзяцей.
Бустарнай дозай праз 4 месяцы пасля поўнай вакцынацыі можна прышчапіцца ўжо з 17 лістапада.
Таксама з 17 лістапада пасля кантакту з хворымі прыйдзецца ізалявацца і прышчэпленым да атрымання адмоўнага выніку ПЛР-тэсту.
Цяпер чытаюць
Знойдзена цела супрацоўніцы віцебскай хіміі — яе шукалі два з паловай гады1
Каментары